ఎస్ఐ రంగనాథ్ రహస్య వివాహంపై స్పందించాలి: రజియా సుల్తానా

విజయవాడ: పొన్నూరు సబ్ ఇన్స్‌పెక్టర్ రంగనాథ్ గౌడ్ రహస్యంగా పెళ్లి చేసుకున్నారని వచ్చిన వార్తలపై రజియా సుల్తానా స్పందించింది. గతంలో రంగనాథ్ గౌడ్ తనతో ప్రేమ వ్యవహారం నడిపి పెళ్లి చేసుకుంటానని మోసం చేశారని రజియా ఆరోపించిన విషయం తెలిసిందే. తాజాగా రంగనాథ్ రహస్య పెళ్లి చేసుకున్నాడన్న వార్తలను తాను మీడియా ద్వారానే తెలుసుకున్నానని రజియా సుల్తానా చెప్పింది. తనకు వచ్చిన కష్టం ఎవరికీ రావద్దని అంది. తనకు న్యాయం జరగకపోతే హైకోర్టు ఎదుట ఆమరణ నిరాహార దీక్షకు దిగుతానని హెచ్చరించింది. రహస్య పెళ్లిపై మీడియాలో వచ్చిన వార్తలపై రంగనాథ్ స్పందించాలని ఆమె డిమాండ్ చేశారు. కేసు నడుస్తుండగానే సాక్ష్యాల్ని మాయం చేసి రంగనాథ్‌గౌడ్‌ను తప్పించారని ఆరోపించారు.

కాగా గత ఐదు రోజులుగా రంగనాథ్ సెలవు పెట్టినట్లుగా తెలుస్తోంది. ఈ నెల 24వ తేదిన కృష్ణా జిల్లా గొల్లపాడుకు చెందిన వాణి అనే యువతిని రంగనాథ్ రహస్యంగా వివాహం చేసుకున్నట్లు సమాచారం. తిరుమలలో పెళ్లి చేసుకున్నట్లుగా తెలుస్తోంది. ఆదివారం గొల్లపాడులో విందు కోసం భారీ ఏర్పాట్లు చేసినట్లుగా కూడా తెలుస్తోంది.

English summary

Razia Sultana demanded Ponnur SI Ranganath Goud that to clarrified on secret marriage with Vani.