వర్ధమాన నటి రేప్, హత్య: సురేష్‌ అనే వ్యక్తిపై పోలీసుల అనుమానం

చెన్నై: అశ్విని అనే వర్ధమాన నటిని రేప్ చేసి హత్య చేశారు. చైన్నైలోని సైదాపేట్ రైల్వే స్టేషన్ సమీపంలోని ఆమె నివాసంలో ఈ సంఘటన శుక్రవారం అర్థరాత్రి దాటిన తర్వాత చోటు చేసుకుంది. సురేష్ అనే వ్యక్తిని పోలీసులు అనుమానిస్తున్నారు. ముంబైకి చెందిన 25 ఏళ్ల అశ్విని తన ఇంట్లో మరణించడంపై భర్త శివానందం పోలీసులకు ఫిర్యాదు చేశాడు. ఆమె మృతదేహాన్ని పోస్టుమార్టం కోసం ఆస్పత్రికి తరలించారు. ఆమెపై అత్యాచారం చేసి తర్వాత ఆమెను చంపేశారని వైద్యులు పోలీసులకు చెప్పినట్లు సమాచారం.

అశ్విని ఇంటి వద్ద చివరిసారి సురేష్ అనే వ్యక్తి కనిపించాడని స్థానికులు చెప్పారని, దాంతో అతన్ని అనుమానిస్తున్నామని పోలీసు అధికారులు చెబుతున్నారు. మొబైల్ ఆపు చేసి ఉండడం, కనిపించకుండా పోవడం వల్ల సురేష్‌పై అనుమానాలు పెరుగుతున్నాయి. వందవాసి సమీపంలోని సురేష్ గ్రామం పొన్నూరుకు పోలీసు బృందం వెళ్లింది. రెండున్నరేళ్ల క్రితం శివానందం, అశ్వినీ సైదాపేటలోని ఇంటిలో అద్దెకు దిగారు. అప్పుడు సురేష్ శివానందం కజిన్‌గా పరిచయమయ్యాడు. శివానందం లేని సమయంలో కూడా సురేష్ ఇంటికి వచ్చేవాడని స్థానికులు చెబుతున్నారు.

పోలీసుల కథనం ప్రకారం - వెల్లూరు సమీపంలోని మన్నాల్‌కు చెందిన శివానందనం, అశ్విని ఐదేళ్ల క్రితం ప్రేమలో పడ్డారు. శివానందానికి ముంబై బదిలీ అయింది. పెళ్లి చేసుకుని వారు చెన్నైకి తిరిగి వచ్చారు. అశ్విని సినిమాల్లో నటించడం శివానందానికి ఇష్టం లేదు. దాంతో ఇరువురి మధ్య తరుచూ గొడవ జరుగుతుండేది.

English summary

The small-time actress found dead in her house near the Saidapet railway station, on Friday was raped before being murdered, the police said on Saturday. The prime suspect Suresh was still at large, they said.