పెళ్లి కూతురు నచ్చలేదని కట్నంతో పారిపోయిన వరుడి అరెస్టు

గుంటూరు: గుంటూరులోని ఆనందపేటలో కట్నం డబ్బుతో పరారైన పెళ్లి కొడుకు షేక్‌ ఇర్ఫాన్‌ను పోలీసులు సోమవారం ఉదయం అదుపులోకి తీసుకున్నారు. ఆదివారం ఉదయం 11 గంటలకు పెళ్లి జరగాల్సి ఉండగా పెళ్లికొడుకు ఇర్ఫాన్‌ కట్నం డబ్బుతో పరారవడంతో పీటల మీద పెళ్లి ఆగిపోయింది. దీంతో వధువు తరఫు బంధువులు పోలీసులను ఆశ్రయించారు. వరుడిని పోలీసులు విచారిస్తున్నారు.

పెళ్లి కూతురు నచ్చలేదని చెప్పి పెళ్లి కొడుకు ఇర్ఫాన్ తనకు ఇచ్చిన కట్నంతో పారిపోయిన సంఘటన ఆదివారం చోటు చేసుకున్న విషయం తెలిసిందే. పెళ్లికి ముందు పెళ్లి కొడుకు కనిపించకుండా పోయాడు. దీంతో వరుడి బంధువులు వధువు ఇంటికి వచ్చి తన కొడుకు కనిపించడం లేదని కట్నంగా ఇచ్చిన డబ్బులు కూడా కనిపించడం లేదని వధువు బంధువులకు చెప్పారు. ఆ తర్వాత తన కుమారుడు కనిపించడం లేదని వరుడి తల్లిదండ్రులు పోలీసు స్టేషన్‌లో కూడా ఫిర్యాదు చేసిన విషయం తెలిసిందే.

English summary

Police were arrested absconding groom Irfan today in Guntur district. Irfan was absconded from marriage with not interest on bride.