వైయస్ జగన్ పార్టీలోకి వెళ్లకండి: చంద్రబాబు

చిత్తూరు: పదవులు, డబ్బులకు ఆశపడి కొత్త పార్టీలోకి ఎవరూ వెళ్ల వద్దని తెలుగుదేశం పార్టీ అధ్యక్షుడు నారా చంద్రబాబు నాయుడు మంగళవారం చిత్తూరు జిల్లాలోని తన కుప్పం పర్యటనలో వైయస్ జగన్మోహన్ రెడ్డి ఇటీవల స్థాపించిన వైయస్ఆర్ కాంగ్రెసు పార్టీని ఉద్దేశించి అన్నారు. తెలుగుదేశం పార్టీలోనే ఉంటూ కుప్పం అభివృద్ధికి నాయకులు, కార్యకర్తలు కృషి చేయాలని ఆయన పిలుపునిచ్చారు. వైయస్ జగన్మోహన్ రెడ్డి తన తండ్రి అక్రమంగా సంపాదించి ఇచ్చిన సొమ్ముతో ఎగిరెగిరి పడుతున్నారు విమర్శించారు.

కేంద్రంలో అధికారంలో ఉన్న కాంగ్రెసు ప్రభుత్వం లక్ష కోట్ల అవినీతికి పాల్పడిందని ఆయన ఆరోపించారు. ఐదు వందల నోట్లు, వెయ్యి రూపాయల నోట్లు రద్దు చేస్తే దేశంలో అవినీతి తగ్గుతుందని చంద్రబాబు అభిప్రాయపడ్డారు. అవినీతికి వ్యతిరేకంగా అందరూ ఉద్యమించాలని ఆయన పిలుపునిచ్చారు.

English summary

TDP president Chandrababu Naidu suggested his party activists that do not join in YSR Jaganmohan Reddy party for posts and cash.