ప్రేమ వేధింపులతో బిటెక్ అమ్మాయి ఆత్మహత్య

By Srinivas

Published: Thursday, June 30, 2011, 10:08 [IST]

నల్గొండ: ప్రేమోన్మాదానికి గురువారం మరో అమ్మాయి బలైంది. ప్రేమించమని ఓ అబ్బాయి నుండి వచ్చిన వేధింపులు తట్టుకోలేక నల్గొండ జిల్లాలో ఓ అమ్మాయి ఆత్మహత్య చేసుకుంది. జిల్లాలోని నాంపల్లి మండలం గట్టుమల్లేపల్లి గ్రామానికి చెందిన అనిత అనే అమ్మాయి నల్గొండ పట్టణంలో బిటెక్ చదువుతోంది. అయితే గత కొద్దికాలంగా ఆమె గ్రామానికే చెందిన కొండయ్య అనే యువకుడు అనితను నిత్యం ప్రేమించమని వేధించేవాడు. అనిత అతని అభ్యర్థనను తిరస్కరించింది.

అయినా కొండయ్య ఆమెను ప్రేమించమనే వేధింపులు ఆపలేదు. దీంతో అనిత కిరోసిన్ పోసుకొని అత్మహత్యకు పాల్పడింది. కుటుంబ సభ్యులు అనిత హుటాహుటినా ఉస్మానియా ఆసుపత్రికి వైద్యం నిమిత్తం తరలించారు. అయితే ఉస్మానియాలో చికిత్స పొందుతూ అనిత మృతి చెందింది. కాగా పోలీసులు కొండయ్యను అదుపులోకి తీసుకున్నారు.

Published On June 30, 2011