కొత్త పోలీసు బాస్ దినేష్ రెడ్డి, అరవింద్ స్థానంలో

హైదరాబాద్: కొత్త పోలీసు బాస్‌గా దినేష్ రెడ్డి నియమితలయ్యారు. గురువారం పదవీవిరమణ చేసిన అరవింద రావు స్థానంలో దినేష్ రెడ్డి రాష్ట్ర పోలీసు డైరెక్టర్ జనరల్ (డిజిపి)గా నియమితులయ్యారు. బుధవారం సాయంత్రం సమావేశమైన స్క్రీనింగ్ కమిటీ ఆరుగుగు సీనియర్ ఐపియస్ అధికారుల పేర్లను పరిశీలించి దినేష్ రెడ్డి పేరును ఖరారు చేసింది. 1977 బ్యాచ్‌కు చెందిన దినేష్ రెడ్డి 2013లో పదవీ విరమణ చేయనున్నారు. ముఖ్యమంత్రి కిరణ్ కుమార్ రెడ్డితో ఉన్న సాన్నిహిత్యం, పదవీ విరమణకు గడువు ఎక్కువ ఉండడం వంటి కారణాల వల్ల దినేష్ రెడ్డిని డిజిపిగా నియమించినట్లు తెలుస్తోంది.

దినేష్ రెడ్డి 2010లో ఐజిగా ప్రమోషన్ పొందారు. ఆయన హైదరాబాదు నగర పోలీసు కమిషనర్‌గా పని చేశారు. ప్రస్తుతం ఆయన విజిలెన్స్ అండ్ ఎన్‌పోర్స్‌మెంట్ డైరెక్టర్‌గా ఉన్నారు. ఆర్టీసి మేనేజింగ్ డైరెక్టర్‌గా కూడా ఆయన పనిచేశారు. కృష్ణా, ఖమ్మం, కర్నూలు జిల్లాల ఎస్పీగా పనిచేశారు. వరంగల్, హైదరాబాద్ రేంజ్ డిఐజిగా ఆయన పనిచేశారు. ఆయకు 2007లో పోలీసు పథకం లభించింది. అత్యంత సీనియర్ ఐపియస్ ఆఫీసర్ నందన్‌కు డిజిపిగా అవకాశం ఇవ్వాలని ప్రభుత్వం భావించింది. అయితే, గతంలో రెండు సార్లు పక్కన పెట్టినందున తనకు ఈసారి అవసరం లేదని నందన్ చెప్పినట్లు సమాచారం.

English summary

IPS officer Dinesh Reddy has been appaointed as DGP. He succeeded Aravind Rao.