నేను సిఎం పదవికి రేసులో లేను: రఘువీరా రెడ్డి

By Pratap

Published: Thursday, June 30, 2011, 16:10 [IST]

కర్నూలు: తాను ముఖ్యమంత్రి పదవికి రేసులో లేనని మంత్రి రఘువీరా రెడ్డి స్పష్టం చేశారు. ముఖ్యమంత్రి కుర్చీ ప్రస్తుతం ఖాళీగా లేదని ఆయన గురువారం మీడియా ప్రతినిధుల సమావేశంలో అన్నారు. ప్రత్యేక తెలంగాణ రాష్ట్రం కావాలనుకునేవారు రాజీనామాలు చేయాల్సిన అవసరం లేదని ఆయన అభిప్రాయపడ్డారు. వైయస్ జగన్, చంద్రబాబు నాయుడు, కె. చంద్రశేఖర రావు ప్రజలను మోసం చేస్తున్నారని ఆయన విమర్శించారు. ప్రభుత్వాన్ని పడగొట్టాలని కుట్ర చేస్తున్నారని, వారు ఎన్ని కుట్రలు చేసినా ఫలించవని ఆయన అన్నారు.

పుట్టపర్తి షిర్డిలా ఖ్యాతి గడించేలా చూస్తామని ఆయన హామీ ఇచ్చారు. శ్రీ సత్య సాయి సెంట్రల్ ట్రస్టు ఆస్తులు దుర్వినియోగం కాకుండా ప్రభుత్వం చూస్తుందని, ఈ విషయంలో ప్రభుత్వం ప్రేక్షక పాత్ర వహించబోదని ఆయన అన్నారు. పుట్టపర్తి ఆస్తులను కాపాడుతూ సత్య సాయి బాబా సేవలు కొనసాగేలా చూస్తామని ఆయన అన్నారు.

Published On June 30, 2011