వ్యాపారి హత్యకు దారితీసిన వివాహేతర సంబంధం!

హైదరాబాద్: కరీంనగర్ జిల్లా సిరిసిల్లకు చెందిన ఓ వ్యాపారిని గుర్తు తెలియని వ్యక్తులు కిడ్నాప్ చేసి హత్య చేసిన సంఘటన వెలుగులోకి వచ్చింది. సిరిసిల్లకు చెందిన వస్త్ర వ్యాపారి శ్రీనివాస్‌ను పదమూడు రోజుల క్రితం గుర్తు తెలియని వ్యక్తులు కిడ్నాప్ చేశారు. అనంతరం శ్రీనివాస్ భార్య లక్ష్మికి పోన్ చేసి నీ భర్తను కిడ్నాప్ చేశామని ఇరవై లక్షల రూపాయలు ఇవ్వాలని డిమాండ్ చేశారు. ఆ తర్వాత మళ్లీ ఫోన్ చేసి కోటి రూపాయలు డిమాండ్ చేశారు. అయితే గురువారం శ్రీనివాస్ మృతదేహం హైదరాబాద్‌లోని ఉప్పల్ చిలునగర్ ప్రాంతంలో కనుగొన్నారు.

అయితే దుండగులు శ్రీనివాస్‌ను తీసుకు వచ్చిన రోజే హత్య చేసి ఉంటారని ఆ తర్వాత ఫ్రిజ్‌లో పెట్టి ఉంటారని భావిస్తున్నారు. అయితే డబ్బుల కోసం డిమాండ్ చేసినప్పటికీ అదే రోజు హత్య చేశారనే అనుమానం వ్యక్తమవుతున్నందున వివాహేతర సంబంధం కారణంగానే హత్య చేసి ఉంటారనే అనుమానం కూడా పోలీసులు వ్యక్తం చేస్తున్నారు. అయితే కిడ్నాప్ చేసి డబ్బు డిమాండ్ చేయడంతో సిరిసిల్ల వస్త్ర వ్యాపారులలో ఇప్పుడు కిడ్నాప్ భయం పట్టుకుంది.

English summary

Siricilla business man Srinivas killed by unknown persons. Srinivas kidnapped before thirteen days and police found his dead body today in Uppal.