రాజీనామా లేదు, కెసిఆర్‌ది పదవి కాంక్ష: జగ్గారెడ్డి

By Srinivas

Published: Thursday, June 30, 2011, 17:40 [IST]

మెదక్: తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖరరావుకు అధికారం కోసం చూస్తున్నారని ఆయనకు ప్రత్యేక తెలంగాణ రాష్ట్రం అవసరం లేదని జహీరాబాద్ శాసనసభ్యుడు తూర్పు జయప్రకాశ్ రెడ్డి గురువారం విమర్శించారు. కెసిఆర్ వల్ల తెలంగాణ రాదని ఆయన అభిప్రాయపడ్డారు. హైదరాబాద్ నగరం అభివృద్ధిని టిఆర్ఎస్ అడ్డుకుంటుందని ఆయన అన్నారు. మెట్రో రైలును అడ్డుకుంటామని కెసిఆర్ హెచ్చరిస్తున్నారని ఆయన అడ్డుకుంటే ఊరుకునేది లేదన్నారు.

తెలంగాణ కాంగ్రెసు నేతలు రాజీనామా చేయాలని చెప్పడానికి కెసిఆర్, ఐక్య కార్యాచరణ సమితి ఎవరని ఆయన ప్రశ్నించారు. వారు చెబితే మేం రాజీనామా చేసే ప్రసక్తి లేదన్నారు. శుక్రవారం జరిగే టి-కాంగ్రెసు సమావేశంలో రాజీనామాలు ఎందుకు చేయాలని కాంగ్రెసు సీనియర్ నేత కె కేశవరావును నిలదీస్తానని ఆయన చెప్పారు.

Published On June 30, 2011