చిరంజీవికి రాజకీయాలు పనికి రావు: ఎంపి జయప్రద

By Pratap

Published: Saturday, July 2, 2011, 17:39 [IST]

హైదరాబాద్‌: మెగాస్టార్ చిరంజీవికి రాజకీయాలు పనికి రావని ప్రముఖ సినీ నటి, పార్లమెంటు సభ్యుడు జయప్రద అన్నారు. చిరంజీవి, అమర్ సింగ్‌ల మధ్య పోలికలు లేవని, సినీ హీరోగా చిరంజీవికి గుర్తింపు ఉందని, అమర్ సింగ్ రాజకీయాల్లో కింగ్ మేకర్ అని ఆమె అన్నారు. ఓ ప్రముఖ తెలుగు టీవీ చానెల్ ప్రతినిధికి ఇచ్చిన ఇంటర్వ్యూలో ఆమె ఆ విధంగా అన్నారు. పార్టీని స్థాపించి తగిన విధంగా నడిపించే పరిపక్వత, సమయం చిరంజీవికి లభించలేదని ఆమె అభిప్రాయపడ్డారు. అయితే, తాను చిరంజీవిని తక్కువ చేయడం లేదని, చిరంజీవికి రాజకీయాలపై దృష్టి పెట్టడానికి సమయం సరిపోలేదని అనుకుంటున్నానని ఆమె అన్నారు.

తెలంగాణ ఇప్పుడు తక్షణ సమస్య అని, ఓ తెలుగు వ్యక్తిని మరో తెలుగు వ్యక్తి చూస్తే అసహ్యించుకునే పరిస్థితి ఉందని జయప్రద అన్నారు. తన జీవితంలో ప్రతి మలుపు వద్ద తనకు కలిసి వచ్చిందని ఆమె అన్నారు. సవాళ్లను సమర్థంగా ఎదుర్కున్నానని, అందుకు బేషరతుగా ప్రజలు చూపిన ఆదరణే కారణమని ఆమె అన్నారు. అనుకోకుండా నటి అయ్యానని, అనుకోకుండానే రాజకీయాల్లోకి వచ్చానని, ఎన్టీఆర్‌ను ముఖ్యమంత్రిని చేయడానికి తాను రాజకీయాల్లోకి వచ్చానని ఆమె అన్నారు. రాష్ట్ర రాజకీయాల్లో ప్రతికూల వాతావరణం లేకపోవడంతో ఉత్తరప్రదేశ్‌కు రావాల్సి వచ్చిందని ఆమె అన్నారు.

Published On July 2, 2011