ఇదే ఫైనల్!: రాజీనామాపై తగ్గేది లేదన్న కెకె

By Srinivas

Published: Sunday, July 3, 2011, 12:26 [IST]

హైదరాబాద్: ప్రత్యేక తెలంగాణ రాష్ట్ర సాధన కోసం తాము చిత్తశుద్ధితో ఉద్యమిస్తున్న తమను డబ్బులతో ఎవరూ కొనలేరని కాంగ్రెసు పార్టీ సీనియర్ నాయకుడు కె కేశవరావు ఆదివారం విలేకరులతో మాట్లాడుతూ అన్నారు. తమను రాజీనామాలు చేయవద్దని ఎవరూ బుజ్జగించడం లేదని కెకె చెప్పారు. అధిష్టానం బుజ్జగించినా తాము రాజీనామాలపై వెనక్కి తగ్గేది లేదన్నారు. తెలంగాణ ప్రాంత కాంగ్రెసు ప్రజాప్రతినిధులు రాజీనామాలకు సిద్దపడ్డారని అందులో వెనక్కి తగ్గేది లేదన్నారు.

తెలంగాణపై కేంద్రం సానుకూలంగా ప్రకటన చేస్తేనే వెనక్కి తగ్గుతామన్నారు. ప్రత్యేక ప్యాకేజీలు, ప్రాంతీయ మండళ్లు తమకు అవసరం లేదన్నారు. కాగా తాము సోమవారం రాజీనామా చేయడానికి సిద్ధంగా ఉన్నామని ఎంపీ కోమటిరెడ్డి రాజగోపాల్ రోడ్డి అన్నారు. రాజీనామా చేసి కాంగ్రెసు పార్టీలో సామాన్య కార్యకర్తగా పని చేస్తూ తెలంగాణ కోసం ఉద్యమిస్తామని చెప్పారు. కాగా ఎంపీ వివేక్ ఇంట్లో తెలంగాణ ప్రాంత కాంగ్రెసు ఎంపీలు సమావేశమయ్యారు. ఈ సమావేశంలో పొన్నం ప్రభాకర్, గుత్తా సుఖేందర్ రెడ్డి, బలరాం నాయక్, రాజయ్య, కోమటిరడ్డి, కెకె తదితరులు పాల్గొన్నారు.

Published On July 3, 2011