జయసుధ రాజీనామా, చేయని కాంగ్రెసు ఎమ్మెల్యేలు

హైదరాబాద్: ఎట్టకేలకు కాంగ్రెసు సికింద్రాబాద్ శానససభ్యురాలు జయసుధ రాజీనామా చేశారు. ఆమె సోమవారం ఉదయం విశాఖపట్నం వెళ్లారు. దీంతో ఆమె రాజీనామా చేయలేదనే వార్తలు వచ్చాయి. అయితే, సాయంత్రానికి ఆమె తన రాజీనామా లేఖను ఫాక్స్ ద్వారా డిప్యూటీ స్పీకర్ మల్లుభట్టి విక్రమార్కకు పంపించారు. అలాగే, అందరితో పాటు రాజీనామా చేయని హైదరాబాద్ ఎల్బీ నగర్ శాసనసభ్యుడు సుధీర్ రెడ్డి కూడా తన రాజీనామా లేఖను ఫాక్స్ ద్వారా శాసనసభ డిప్యూటీ స్పీకర్‌కు పంపించారు. సంగారెడ్డి శానససభ్యుడు జగ్గా రెడ్డి సహా హైదరాబాదులోని ముషిరాబాద్ శానససభ్యురాలు మణెమ్మ, ఎల్బీనగర్ కుత్బుల్లాపూర్ శానససభ్యుడు కూన శ్రీశైలం గౌడ్ రాజీనామాలు చేయలేదు.

కాగా, ఖమ్మం జిల్లాకు చెందిన రేగా కాంతారావు, మిత్రసేన్ రాజీనామాలు చేయలేదు. అయితే, రాజీనామాలు చేయడానికి వారు ఖమ్మం జిల్లా నుంచి బయలుదేరినట్లు చెబుతున్నారు. ఖమ్మం జిల్లాకు చెందిన శాసనసభ డిప్యూటీ స్పీకర్ మల్లుభట్టి విక్రమార్క కూడా తన రాజీనామాపై ఏ విధమైన నిర్ణయం తీసుకోలేదు. స్పీకర్ నాదెండ్ల మనోహర్ అమెరికా పర్యటనలో ఉండడంతో రాజీనామా లేఖలను మల్లుభట్టి విక్రమార్కనే స్వీకరిస్తున్నారు. జయసుధ, సుధీర్ రెడ్డి ఫాక్స్ ద్వారా రాజీనామా లేఖలు సమర్పిస్తారని చెప్పిన ప్రకారమే జరిగింది.

English summary

Jayasudha and most of the Hyderabad Congress MLAs are not resigned. Assembly deputy speaker Mallubhatti Vikramarka, hails from Khammam district not yet decided.