• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ప్రభుత్వాన్ని పడగొట్టే ఉద్దేశ్యం లేదు: మంత్రి జానారెడ్డి

By Srinivas
|

K Jana Reddy
హైదరాబాద్: రాజకీయ సంక్షోభం సృష్టించడానికి తాము రాజీనామాలు చేయడం లేదని నాలుగు కోట్ల ప్రజల తెలంగాణ ఆకాంక్షను అధిష్టానం దృష్టికి తీసుకు వెళ్లడానికే రాజీనామాలు చేస్తున్నామని కాంగ్రెసు పార్టీ సీనియర్ నాయకుడు, మంత్రి జానారెడ్డి సోమవారం అసెంబ్లీ మీడియా పాయింట్ వద్ద మాట్లాడుతూ అన్నారు. తెలంగాణ అనేది తెలంగాణ ప్రజల ఆకాంక్ష అన్నారు. రాజకీయ సంక్షోభం సృష్టించి ప్రభుత్వాన్ని పడగొట్టాలనే ఉద్దేశ్యం తమకు లేదన్నారు. అనివార్య పరిస్థితులలోనే రాజీనామాలకు సిద్దపడ్డట్టు చెప్పారు. రాజీనామాలు చేసి తమ అభిప్రాయాలు అధిష్టానం దృష్టికి తీసుకు వెళ్లామని చెప్పారు.

ఈరోజు ఆమెరికాకు స్వాతంత్రం వచ్చిన రోజని తెలంగాణకూ స్వాతంత్రం రావాలని భావిస్తున్నట్టు చెప్పారు. ఇదో రోజు చరిత్రలో అరుదైన సంఘటనలు జరిగాయన్నారు. స్వాతంత్రం కోసం మన్యం వీరుడు అల్లూరి సీతారామరాజు, తెలంగాణ రైతాంగ పోరాటంలో ఐలమ్మ ప్రాణత్యాగం చేసిన రోజని అన్నారు. తెలంగాణ ప్రకటించే వరకు రాజీనామాలపై వెనక్కి తగ్గేది లేదన్నారు. ఢిల్లీలో పార్లమెంటు సభ్యులు కూడా రాజీనామా చేయడానికి స్పీకర్ కార్యాలయం దగ్గర వేచి ఉన్నారని చెప్పారు. తాము ఢిల్లీ వెళతామని అధిష్టానంతో చర్చలు జరుపుతామని చెప్పారు.

English summary
Minister Jana Reddy said today that they did not want to dismantle state government. He demanded high command statement on Telangana.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X