ఎంపి పదవికి తెరాస అధినేత కెసిఆర్ రాజీనామా

హైదరాబాద్‌: తన లోకసభ సభ్యత్వానికి తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు రాజీనామా చేసినట్లు వార్తలు వస్తున్నాయి. ఆయన సోమవారం అర్ధరాత్రి దాటిన తర్వాత తన రాజీనామా లేఖను స్పీకర్ మీరాకుమార్‌కు ఫాక్స్ ద్వారా పంపినట్లు తెలుస్తోంది. రెండు, మూడో రోజుల్లో ఆయన తన రాజీనామాను ఆమోదింపజేసుకునే అవకాశాలున్నాయి. ఇందుకు ఆయన రెండు రోజుల్లో ఢిల్లీ వెళ్లే అవకాశాలున్నాయి.

కెసిఆర్ రాజీనామా చేయాలని వైయస్సార్ కాంగ్రెసు పార్టీ అధ్యక్షుడు వైయస్ జగన్ వర్గానికి చెందిన కాంగ్రెసు శాసనసభ్యురాలు కొండా సురేఖ డిమాండ్ చేశారు. దీనిపై ఆయన సోమవారం రాత్రి తీవ్రంగా ధ్వజమెత్తారు. రాజీనామా చేయాలని తనను డిమాండ్ చేసే దిక్కుమాలిన పరిస్థితి కొండా సురేఖకు ఎందుకని ఆయన ప్రశ్నించారు. అయితే, ఆయన రాజీనామాపై ప్రచారం పెద్దగా లేదు.

English summary

According to reports TRS president K Chandrasekhar Rao has resigned for his loksabha membership.