'వైయస్ జగన్‌ ది సమైక్యవాదమా, తెలంగాణవాదమా?'

గుంటూరు: వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిది ప్రాంతీయ వాదమా లేక సమైక్య వాదమా వెంటనే తెలపాలని తెలుగుదేశం పార్టీ సీనియర్ శాసనసభ్యుడు, మాజీ మంత్రి కోడెల శివప్రసాద్ మంగళవారం గుంటురు జిల్లాలో విలేకరులతో మాట్లాడుతూ డిమాండ్ చేశారు. తెలంగాణ, సమైక్యవాదాలు రాజుకుంటున్న నేపథ్యంలో జగన్ తన నిర్ణయాన్ని తెలపాలని ఆయన అన్నారు.

తెలంగాణకు చెందిన ఇరు పార్టీల శాసనసభ్యులు తెలంగాణ కోసం రాజీనామా చేసిన ప్రతిఫలం ఇతర పార్టీలకు దక్కకూడదనే ఉద్దేశ్యంతోనే పోటా పోటీగా రాజీనామాలు చేశారని అన్నారు. తెలంగాణ నేతల రాజీనామా కారణంగా రాష్ట్రంలో అనిశ్చితి ఏర్పడిందన్నారు. రాష్ట్రంలో ఎప్పుడైనా రాష్ట్రపతి పాలన విధించే అవకాశం ఉందని ఆయన అభిప్రాయపడ్డారు.

English summary

Telugudesam party senior mla Kodela Siva Prasad questioned YSR congress party president YS Jaganmohan Reddy that is Jagan support Samaikyandra or telangana.