రాజీనామాలు చేసి తప్పు చేశాం: ఆనం వివేకా

By Srinivas

Published: Thursday, July 7, 2011, 15:17 [IST]

నెల్లూరు: డిసెంబర్ 9వ తారీఖు కేంద్ర ప్రభుత్వం తెలంగాణపై ప్రకటన చేసినప్పుడు తాము రాజీనామాలు చేయడం తప్పేనని ఎస్పీఎస్ నెల్లూరు జిల్లా శాసనసభ్యుడు ఆనం వివేకానందరెడ్డి గురువారం విలేకరులతో మాట్లాడుతూ అన్నారు. తెలంగాణ ప్రజాప్రతినిధులు రాజీనామాలు చేయడం సరికాదన్నారు. పొన్నం ప్రభాకర్ ఎవరిని అడిగి రాజీనామాలు చేశారని ఆయన ప్రశ్నించారు. తెలంగాణ రాష్ట్రం విషయంలో కాంగ్రెసు పార్టీయే తొలి ముద్దాయి అనడం పొన్నం ప్రభాకర్‌కు సరికాదన్నారు.

తెలంగాణ విషయంలో అధిష్టానం ఏ నిర్ణయం తీసుకున్నా తాము కట్టుబడి ఉంటామని చెప్పారు. తెలంగాణ రాష్ట్ర అధ్యక్షుడు కల్వకుంట్ల చంద్రశేఖర రావు రాజీనామాలు చేయమని చెప్పగానే రాజీనామా చేస్తారా అని ప్రశ్నించారు. అధిష్టానంతో సంప్రదింపులు జరపడాన్ని దేశ సరిహద్దులతో పోల్చడం సరికాదన్నారు. ఇలాంటి వ్యాఖ్యలు దేశద్రోహం కిందకే వస్తాయన్నారు.

Published On July 7, 2011