నాగచైతన్యను అడగండి: బెడవాడ రౌడీలుపై నాగ్

By Srinivas

Published: Sunday, July 10, 2011, 12:38 [IST]

విజయవాడ: బెజవాడ రౌడీలు చిత్రం టైటిల్‌పై తన తనయుడు నాగచైతన్యను లేదా దర్శకుడు రాం గోపాల్ వర్మను అడగండని హీరో నాగార్జున ఆదివారం విలేకరులకు సూచించారు. నాగార్జున ఆదివారం ఉదయం విజయవాడకు వచ్చారు. ఈ సందర్భంగా విలేకరులు నాగ్‌ను ఇటీవల వివాదాస్పదం అవుతున్న బెజవాడ రౌడీలు టైటిల్‌పై ప్రశ్నించారు. దానికి బెజవాడ రౌడీలు సినిమా గురించి తనను కాదని ఆ సినిమా హీరో నాగ చైతన్యను అడగమని సూచించారు. బెజవాడ రౌడీలు టైటిల్‌లో రౌడీలు అనే వ్యాఖ్యం తీసేయాలని విజయవాడ ప్రజలు గత కొన్ని రోజులుగా డిమాండ్ చేస్తున్న విషయం తెలిసిందే.

అవకాశం, సందర్బం వస్తే తన ఇద్దరు కుమారులు నాగ చైతన్య, అఖిల్‌తో కలిసి నటిస్తానని నాగార్జున అన్నారు. త్వరలోనే ఆ సందర్భం ఎదురు కావచ్చని చెప్పారు. ప్రస్తుతం తాను రాజన్న, ఢమరుకం, షిరిడీ సాయి చిత్రాలలో నటిస్తున్నానని, ఆ తర్వాత దీని గురించి ఆలోచిస్తానన్నారు.

Published On July 10, 2011