రాజీనామాలపై వెనక్కి తగ్గితే చరిత్రహీనులు: జగన్

హైదరాబాద్: ప్రత్యేక తెలంగాణ రాష్ట్ర సాధన కోసం రాజీనామా చేసిన తెలుగుదేశం, కాంగ్రెసు పార్టీల ప్రజా ప్రతినిధులు తమ రాజీనామాలపై వెనక్కి తగ్గితే చరిత్రహీనులు అవుతారని మావోయిస్టు నేత జగన్ సోమవారం మాట్లాడుతూ అన్నారు. రాజీనామాలు చేసిన ప్రజాప్రతినిధులు ఎవరూ తమ రాజీనామాలు ఉపసంహరించుకోవద్దునని సూచించారు. ప్రత్యేక రాష్ట్రం సాధించాలంటే చేయాల్సింది రోడ్లపై వంటా వార్పు కాదన్నారు.

రాష్ట్రం సాధించాలంటే మిలిటెంట్ ఉద్యమానికి అందరూ సిద్ధం కావాలని పిలుపునిచ్చారు. రాజకీయ ఐక్య కార్యాచరణ సమితి ఓ కొన్ని పార్టీల వైపో ఉండకుండా తెలంగాణ కోసం రాజీనామా చేసిన అందరు ప్రజాప్రతినిధులను కలుపుకొని పోవాలని సూచించారు. రాష్ట్ర సమస్య సాధనతోనే మాదిగల వర్గీకరణ ముడిపడి ఉందని ఎమ్మార్పీఎస్ అధ్యక్షుడు మందకృష్ణ మాదిగకు సూచించారు. మందకృష్ణ తెలంగాణ సాధన కోసం కలిసి రావాలని సూచించారు.

English summary

Maoist Jagan suggested Telangana leaders that do not step back on resignations. He suggested Manda Krishna Madiga also come with for Telangana.