రాజీనామాలకై 15న అసెంబ్లీ ముట్టడి: ఓయు జెఏసి

By Srinivas

Published: Tuesday, July 12, 2011, 12:24 [IST]

హైదరాబాద్: తెలంగాణ ప్రాంత కాంగ్రెసు ప్రజాప్రతినిధుల రాజీనామాలు ఆమోదించాలని డిమాండ్ చేస్తూ ఈ నెల 15వ తారీకు అసెంబ్లీని ముట్టడించాలని ఉస్మానియా విశ్వవిద్యాలయ ఐక్య కార్యాచరణ సమితి నిర్ణయించుకున్నట్లుగా తెలుస్తోంది. ఉస్మానియా విశ్వవిద్యాలయంలో విద్యార్థుల సామూహిక దీక్షకు మద్దతుగా బుధవారం విద్యాసంస్థల బందు చేయాలని నిర్ణయించుకున్నారు. తెలంగాణ ఐక్య కార్యాచరణ సమితి చేపట్టిన రైలు రోకోకు మద్దతు ఇస్తున్నట్లు ప్రకటించారు. కాగా విద్యార్థుల సామూహిక దీక్ష రెండోరోజు కొనసాగుతోంది.

కాగా తెలంగాణలోని తొమ్మిది జిల్లాల్లో తెలంగాణవాదులు భారీగా వంటావార్పు కార్యక్రమంలో పాల్గొన్నారు. కరీంనగర్ జిల్లాలోని రామగుండంలో 10 బొగ్గు గనుల్లో వంటావార్పు చేపట్టారు. వంటావార్పులో టిఆర్ఎస్ నేతలు, కార్యకర్తలు, మహిళలు భారీగా పాల్గొన్నారు.

Published On July 12, 2011