భారత్ గుండెకాయపై దాడి: మహా సిఎం చవాన్

ముంబై: భారత గుండెకాయపై దాడి జరిగిందని మహారాష్ట్ర ముఖ్యమంత్రి పృథ్వీరాజ్ చవాన్ అన్నారు. పేలుళ్లలో 13 మంది మరణించారని, 81 మంది గాయపడ్డారని ఆయన చెప్పారు. దాడుల వెనక ఎవరు ఉన్నారనే విషయంపై తాము ఊహాగానాలు చేయడం లేదని ఆయన అన్నారు. ప్రశాంతంగా ఉన్న ముంబై ప్రజలు కొత్త దాడికి గురయ్యారని ఆయన అన్నారు.

దాడి నేపథ్యంలో కేంద్ర హోం మంత్రిత్వ శాఖ దేశవ్యాప్తంగా హైఅలర్ట్ ప్రకటించింది. రాష్ట్రాలను అప్రమత్తం చేసింది. హైదరాబాదు, ఢిల్లీ, బెంగుళూర్, చెన్నై వంటి నగరాల్లో భద్రతను పెంచారు. ప్రజలు రద్గీగా సంచరించే సమయంలో దాడి జరిగిందని చవాన్ అన్నారు.

English summary

Chief Minister of Maharashtra Prithviraj Chavan has said that 13 people are confirmed dead and 81 injured in the three serial blasts that took place in Mumbai during rush hour this evening, between 6.45 and 7.04 pm.