విజయమ్మను అడ్డుకున్న విద్యార్థులు, రాజీనామాకు పట్టు

By Srinivas

Published: Wednesday, July 13, 2011, 12:02 [IST]

కడప: వైయస్సార్ కాంగ్రెసు పార్టీ పులివెందుల శాసనసభ్యురాలు వైయస్ విజయలక్ష్మిని సమైక్యాంధ్ర ఐక్య కార్యాచరణ సమితి విద్యార్థులు బుధవారం అడ్డుకున్నారు. సమైక్యాంధ్రకు మద్దతుగా రాజీనామా చేయాలంటూ వారు విజయమ్మను డిమాండ్ చేశారు. దీంతో వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వెంట వెళుతున్న పలువురు నేతలు విద్యార్థులపై ఆగ్రహం వ్యక్తం చేశారు. కడప జిల్లా సమీక్షా సమావేశానికి బుధవారం ఉదయం విజయమ్మ హాజరయ్యారు. ఈ సందర్భంగా సమైక్యాంధ్ర జెఏసి విద్యార్థులు ఆమె వాహనాన్ని అడ్డుకున్నారు.

తెలంగాణ ప్రజాప్రతినిధులు రాజీనామా చేసినట్లు మీరు కూడా సమైక్యాంధ్రకు మద్దతుగా రాజీనామా చేయాలని సీమాంధ్ర ప్రజాప్రతినిధులను డిమాండ్ చేశారు. డిఆర్సీ సమావేశం జరుగుతున్న హాలు ఎదుట బైఠాయించారు. సమైక్యాంధ్రకు మద్దతుగా నినాదాలు చేశారు. ఓ దశలో సమావేశం హాలులోకి దూసుకు వచ్చారు.

Published On July 13, 2011