• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

'చంద్రబాబును జైల్లో పెట్టకపోవడమే వైయస్ తప్పు'

By Pratap
|

YSR Congress
హైదరాబాద్: తమ పార్టీ అధ్యక్షుడు వైయస్ జగన్ ఆస్తులపై తెలుగుదేశం పార్టీ నాయకులు చేస్తున్న ఆరోపణలపై వైయస్సార్ కాంగ్రెసు పార్టీ నాయకులు తీవ్రంగా మండిపడ్డారు. తెలుగుదేశం పార్టీ అధ్యక్షుడు నారా చంద్రబాబు నాయుడిని జైల్లో పెట్టకపోవడమే దివంగత నేత వైయస్ రాజశేఖర రెడ్డి చేసిన తప్పు అని వైయస్సార్ కాంగ్రెసు పార్టీ నాయకులు గట్టు రామచందర్ రావు, జూపూడి ప్రభాకర రావు బుధవారం మీడియా ప్రతినిధుల సమావేశంలో అన్నారు. చంద్రబాబుపై కేసులు ఉన్నప్పుడు సహకరించాలని తెలుగుదేశం పార్టీ నాయకులు ఎర్రంనాయుడు, యనమల రామకృష్ణుడు ఎందుకు అడగలేదని గట్టు రామచందర్ రావు ప్రశ్నించారు. చంద్రబాబుపై ఓ వ్యక్తి రాసిన లేఖను హైకోర్టు ఎందుకు విచారణకు స్వీకరించలేదని ఆయన ప్రశ్నించారు. రాజకీయ కుట్రలో భాగంగానే జగన్‌పై కేసులు పెడుతున్నారని జూపూడి ప్రభాకర రావు వ్యాఖ్యానించారు. జగన్‌పై విచారణ చేపట్టడమంటే వైయస్ రాజశేఖర రెడ్డిపై విచారణ చేపట్టడమేనని ఆయన అన్నారు.

తమ పార్టీ అధ్యక్షుడు వైఎస్.జగన్మోహన్ రెడ్డికి కేటాయించిన భూములపై రాద్ధాంతం చేయడం వెనుక రాజకీయ కుట్రదాగివుందని వైయస్సార్ కాంగ్రెసు పార్టీ నాయకుడు గోనె ప్రకాశ రావు వ్యాఖ్యానించారు చట్టం తెలియని వారు కూడా జగన్‌పై విమర్శలు గుప్పిస్తున్నారని ఆయన బుధవారం మీడియా ప్రతినిధుల సమావేశంలో అన్నారు. నాడు కేటాయించిన భూములన్నీ మంత్రి వర్గం ఆమోదంతోనే జరిగాయని ఆయన గుర్తు చేశారు.

తెలంగాణ రాష్ట్ర ఏర్పాటుపై కాంగ్రెస్ పార్టీ రాష్ట్ర వ్యవహారాల ఇన్‌ఛార్జి గులాం నబీ ఆజాద్ చేసిన వ్యాఖ్యలను ఆయన తప్పుబట్టారు. గతంలో 14 రాష్ట్రాల విభజన ఎలా జరిగిందో ఆంధ్రప్రదేశ్ రాష్ట్ర విభజన కూడా అలాగే జరగాలని, ఈ విషయంపై ఆజాద్ చరిత్రను ఒకసారి తిరగేయాలని ఆయన హితవు పలికారు. రాష్ట్రాల తెలుగుదేశం పార్టీకి చెందిన నేతలు రాజకీయ అజ్ఞానులన్నారు.

English summary
YSR Congress party leaders retalited TDP leaders comments against their party president YS Jagan.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X