శంకర్రావుకు పిఎ టోకరా, పోలీసులకు ఫిర్యాదు

హైదరాబాద్: చేనేత మంత్రి పి. శంకర్రావుకు వ్యక్తిగత సహాయకుడు (పిఎ) టోకరా ఇచ్చాడు. తన పిఎ నర్సింగ రావు తన కీలకమైన ఫైళ్లతో, తాను సంతకం చేసిన లెటర్ హెడ్స్‌తో మాయమయ్యాడని మంత్రి హైదరాబాద్ నేర పరిశోధక విభాగం (సిసిఎస్) పోలీసులకు ఫిర్యాదు చేశారు. పోలీసులు కేసు నమోదు చేసుకుని దర్యాప్తు చేస్తున్నారు. నర్సింగరావు కోసం పోలీసులు అన్వేషిస్తున్నారు. గతంలో పిఎపై శంకర్రావు చేయి చేసుకున్నారు. ఇది పెద్ద దుమారం రేపింది.

తాను ఈ నెల 1వ తేదీ నుంచి 9వ తేదీ వరకు అమెరికాలో ఉన్నానని, తాను లేని ఈ సమయం చూసి పిఎ సచివాలయంలోని తన ఛేంబర్‌లోకి ప్రవేశించి కీలకమైన కొన్ని ఫైళ్లను, తాను సంతకం చేసి పెట్టిన లెటర్ హెడ్స్‌ను ఎత్తుకెళ్లాడని, అతను కనిపించడం లేదని శంకర్రావు ఫిర్యాదు చేశారు.

English summary

Minister P Shankar Rao complained against his PA Narsing Rao to Hyderabad CCS police.