భద్రత ఉండదంటూ టిజికి దామోదర్ రెడ్డి హెచ్చరిక

హైదరాబాద్/కరీంనగర్: మంత్రి టిజి వెంకటేష్ తెలంగాణ ప్రజలను రెచ్చగొట్టే వ్యాఖ్యలు మానకుంటే తెలంగాణ ప్రాంతంలో ఉన్న సీమాంధ్రులకు భద్రత ఉండదని శాసనసభ్యుడు దామోదర రెడ్డి ఆదివారం హెచ్చరించారు. సీమాంధ్రులు రెచ్చగొట్టే వ్యాఖ్యలు మానుకోవాలన్నారు. సీమాంధ్ర ప్రజాప్రతినిధులు చెబుతున్నట్టు అక్కడ ఎలాంటి సమైక్య వాదం లేదనే విషయం విజయవాడలో శనివారం ఏర్పాటు చేసిన సమావేశం ద్వారా తెలిసిపోయిందని ఆయన అన్నారు.

కేంద్ర ప్రభుత్వం తెలంగాణ ప్రకియ ప్రారంభించాలని లేకుంటే తాము చేసిన రాజీనామాలను ఆమోదించాలని కరీంనగర్ ఎంపి పొన్నం ప్రభాకర్ కరీంనగర్‌లో డిమాండ్ చేశారు. సోమవారం నిర్వహించనున్న సమావేశంలో భవిష్యత్ కార్యాచరణ ఖరారు చేస్తామని ఆయన చెప్పారు. మంత్రివర్గం నుండి టిజి వెంకటేష్‌ను వెంటనే తొలగించాలని ఆయన డిమాండ్ చేశారు. రేణుకా చౌదరికి అహంకారం పనికి రాదన అన్నారు.

English summary

MLA Ramreddy Damodar Reddy warned TG Venkatesh that to do not talk against Telangana.