'తెలంగాణలో మొదట సమైక్యాంధ్ర నినాదం'

By Srinivas

Published: Sunday, July 17, 2011, 14:53 [IST]

హైదరాబాద్: సమైక్యాంధ్ర నినాదం ముందు తెలంగాణ ప్రాంతంలోనే ఉందని మాజీ మంత్రి గాదె వెంకటరెడ్డి ఆదివారం విలేకరులతో మాట్లాడుతూ చెప్పారు. సమైక్యాంధ్ర నినాదం పెత్తనం కోసం కాదన్నారు. రాష్ట్ర అభివృద్ధి కోసమే సమైక్యాంధ్ర నినాదం ఎత్తుకున్నట్లు చెప్పారు. తెలంగాణ రాష్ట్రం సాధిస్తామంటూ 2009 సంవత్సరంలో ఎన్నికలకు వెళ్లిన తెలంగాణ రాష్ట్ర సమితి కేవలం 10 సీట్లు మాత్రమే గెలుచుకుందని అలాంటప్పుడు తెలంగాణ సాధన అనేది ప్రజాభిప్రాయం అని ఎలా చెబుతారని ఆయన ప్రశ్నించారు.

రాష్ట్ర విభజనకు తాము అధిష్టానం ఎలాంటి ప్రతిపాదన చేసినప్పటికీ వ్యతిరేకిస్తామని మంత్రి శైలజానాథ్ అన్నారు. సీమాంధ్ర ప్రజాప్రతినిధుల సమైక్యాంధ్రకే కట్టుబడి ఉన్నామని అన్నారు. త్వరలో హైదరాబాదులో సమైక్యాంధ్ర సమావేశం నిర్వహిస్తామని చెప్పారు.

Published On July 17, 2011