'కెసిఆర్‌కు సీమలో పిల్లాడు కూడా భయపడడు'

హైదరాబాద్: తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుకు సీమలో చిన్నపిల్లాడు కూడా భయపడడని తెలుగుదేశం పార్టీ శాసనసభ్యుడు పయ్యావుల కేశవ్ సోమవారం ఎన్టీఆర్ ట్రస్టు భవన్‌లో విలేకరులతో మాట్లాడుతూ చెప్పారు. కెసిఆర్ ఆరిపోయే దీపం అని అన్నారు. తెలంగాణలో చావులకు, సీమాంధ్రలో అలజడులకు కెసిఆర్, కాంగ్రెసులో కారణం అని ఆరోపించారు. ఢిల్లీ పెద్దలను మభ్య పెట్టేందుకే రెండు వారాల్లో తెలంగాణ ఏర్పడుతుందని కెసిఆర్ ప్రకటించారని అన్నారు. నిజాం నుండి తెలంగాణ ప్రజలు ఎలా విముక్తం అయ్యారో కెసిఆర్ నుండి అలాగే విముక్తమవుతారని అన్నారు.

తెలంగాణ కెసిఆర్ జాగీరు కాదన్నారు. అసలు కేసిఆర్ కాంగ్రెసును నడుపుతున్నారా, కెసిఆర్‌ను కాంగ్రెసు నడుపుతుందా అని ప్రశ్నించారు. కెసిఆర్ తెలంగాణలో బలహీనపడినందుకే కాంగ్రెసు పంచన చేరారని ఆరోపించారు. సీమాంధ్ర విషయంలో పార్టీ అధినేత చంద్రబాబును ఒప్పించాల్సిన అవసరం లేదని అభిప్రాయపడ్డారు.

English summary

TDP senior mla Payyavula Keshav blamed TRS chief Chandrasekhar Rao today. He said KCR went to congress because his party strength weaked in telangana.