• search
  • Live TV
కర్నూలు వార్తల కోసం
నోటిఫికేషన్స్ పై క్లిక్ చేయండి  

సోనియా నా వెన్ను, కాళ్లు విరిచేలా ఉన్నారు: జగన్

By Pratap
|

YS Jagan
కర్నూలు: కాంగ్రెసు అధ్యక్షురాలు సోనియా గాంధీ తన వెన్ను, కాళ్లు విరిచేలా ఉన్నారని వైయస్సార్ కాంగ్రెసు పార్టీ అధ్యక్షుడు వైయస్ జగన్ అన్నారు. తనను ఎన్ని ఇబ్బందులు పెట్టినా తట్టుకుని పైకి లేస్తానని ఆయన అన్నారు. కర్నూలు జిల్లాలో ఓదార్పు యాత్ర సందర్భంగా ఆయన సోమవారం మాట్లాడారు. కాంగ్రెసు, తెలుగుదేశం పార్టీలు ఒక్కటై తనను ఇబ్బందుల పాలు చేస్తున్నాయని ఆయన విమర్శించారు. వైయస్ రాజశేఖర రెడ్డిని అప్రతిష్టపాలు చేసేందుకు కేసులు పెడుతున్నారని ఆయన అన్నారు. వైయస్ ప్రభుత్వ హయాంలో నిర్ణయాలన్నీ మంత్రివర్గ సభ్యులందరూ తీసుకున్నారని, అయినా వైయస్సార్ మీద రుద్ది అప్రతిష్ట పాలు చేసేందుకు ప్రయత్నిస్తున్నారని ఆయన అన్నారు.

సిబిఐని కాంగ్రెసు బ్యూరో అన్న తెలుగుదేశం పార్టీ అధ్యక్షుడు నారా చంద్రబాబు నాయుడు తనపై సిబిఐ విచారణ కోరడం సిగ్గుచేటు అని ఆయన అన్నారు. కాంగ్రెసు, తెలుగుదేశం పార్టీల తీరును తనను బాధిస్తోందని ఆయన అన్నారు. రెండుసార్లు కాంగ్రెసు పార్టీ వైయస్సార్ వల్లనే గెలిచిందని ఆయన అన్నారు. కొన్ని మీడియా సంస్థలు పనిగట్టుకుని తనపై దుష్ప్రచారం చేస్తున్నాయని ఆయన అన్నారు. తనను అప్రతిష్టపాలు చేయడానికే మంత్రి శంకరరావుతో పిటిషన్ వేయించారని ఆయన విమర్శించారు. సోనియా గాంధీ ఢిల్లీలో రాజ్యమేలుతున్నారంటే అది వైయస్సార్ పుణ్యమేనని ఆయన అన్నారు.

English summary
YSR Congress party president YS Jagan lashed out at Congress president Sonia Gandhi today.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X