తెలంగాణపై సోనియాకు హీరో సుమన్ విజ్ఞప్తి

By Srinivas

Published: Tuesday, July 19, 2011, 14:24 [IST]

హైదరాబాద్: తెలంగాణ రాష్ట్రం అంశానికి ఏఐసిసి అధ్యక్షురాలు సోనియా గాంధీ త్వరగా పరిష్కారం చూపాలని ప్రముఖ హీరో సుమన్ మంగళవారం సూచించారు. తెలంగాణ సమస్య ఏళ్ల నుండి పరిష్కారం కాకపోవడం, తెలంగాణపై ఉద్యమాలు రావడం కారణంగా రాష్ట్రానికి రావాల్సిన పెట్టుబడులు ఇతర రాష్ట్రాలకు తరలి పోతున్నాయని ఆయన ఆవేదన వ్యక్తం చేశారు.

హైదరాబాదులో రియల్ ఎస్టేట్ వ్యాపారం పూర్తిగా పడిపోయిందన్నారు. రాష్ట్రం ప్రశాంతంగా ఉండడానికి కేంద్రం తెలంగాణపై త్వరగా నిర్ణయం తీసుకోవాలని సూచించారు. తెలంగాణ కోసం పోరాటం చేసిన ఆచార్య జయశంకర్‌పై ఎవరైనా సినిమా తీస్తే తాను నటించేందుకు సిద్ధంగా ఉన్నానని ప్రకటించారు. కాగా గతంలో జరిగిన తెలంగాణ వంటావార్పు కార్యక్రమంలో సుమన్ పాల్గొన్న విషయం తెలిసిందే.

Published On July 19, 2011