సత్యసాయి ట్రస్టుకు అక్కడా అంతులేని సంపదే

బెంగుళూరు: భగవాన్ శ్రీ సత్యసాయి బాబా స్థాపించిన సత్యసాయి ట్రస్టులో భారీగా బంగారం, వెండి, డబ్బులు బయట పడుతున్నాయి. సత్యసాయి బాబా నివసించిన యజుర్మందిరంలో ట్రస్టు సభ్యులు లెక్కించిన తర్వాత వారు భారీగా నిధిని చాటుమాటుగా తరలించారని ఆరోపణలు వచ్చిన తర్వాత సైతం రెండు రోజుల పాటు ప్రభుత్వ అధికారులు లెక్కిస్తే కోట్లాది రూపాయలు, వందల కిలోల వెండి, వందల కిలోల బంగారం బయటపడ్డాయి. యజుర్మందిరంలో బయట పడిన తర్వాత అధికారుల కన్ను సత్యసాయికి చెందిన కర్నాటక రాష్ట్రంలోని వైట్ ఫీల్డుపై పడింది.

వారు బుధవారం ఉదయం నుండి సాయంత్రం వరకు వైట్ ఫీల్డులో సోదాలు నిర్వహించారు. ఆ సోదాల్లోనూ భారీగానే బయపడినాయి. వైట్ ఫీల్డులో 6 కిలోల బంగారం, 245 కిలోల వెండి, 80 లక్షలకు పైగా నగదు దొరికింది. ఈ విషయాన్ని ఆశ్రమ పిఆర్వో అనంతరామన్ చెప్పారు. ఇదంతా బెంగుళూరులోని కెనెరా బ్యాంకులో డిపాజిట్ చేసినట్లు చెప్పారు.

English summary

Officers found six kilograms gold and 80 lacks cash in Banglore white field today.