టిడిపి నేత దేవినేని ఉమ ఆరెస్టు, బెజవాడ ఉద్రిక్తం

By Pratap

Published: Wednesday, July 20, 2011, 11:55 [IST]

విజయవాడ: మంత్రి పార్థసారథి, తెలుగుదేశం పార్టీ నాయకుడు దేవినేని ఉమా మహేశ్వరరావు మధ్య బహిరంగ చర్చ వ్యవహారం బుధవారం విజయవాడలో ఉద్రిక్తతకు దారి తీసింది. బహిరంగ చర్చకు వస్తే తాను పార్థసారథిపై ఆరోపణలను రుజువు చేస్తానని గతంలో ఉమా మహేశ్వర రావు గతంలో సవాల్ చేశారు. అందుకు మంత్రి సిద్ధపడ్డారు. మంగళవారం ఇరువురు నేతలు కూడా గొల్లపూడి పంచాయతీలో బహిరంగ చర్చకు తమ తమ అనుచరులతో కలిసి వచ్చారు. దీంతో ఉద్రిక్త వాతావరణం చోటు చేసుకుంది.

బహిరంగ చర్చకు అనుమతి లేదని పోలీసులు ఉమా మహేశ్వర రావును అడ్డగించారు. దాంతో నిరసన తెలుపుతూ ఉమా మహేశ్వర రావు రోడ్డుపై బైఠాయించారు. పోలీసులు ఉమా మహేశ్వర రావును అరెస్టు చేసి పోలీసు స్టేషన్‌కు తరలించారు. అనుచరులను వదిలేసి ఇద్దరు నేతలు మాత్రమే వస్తే చర్చకు అనుమతిస్తామని పోలీసులు చెప్పారు. ఆరోపణలకు సమాధానం చెప్పలేని మంత్రి పోలీసుల సహాయంతో చర్చను ఆపించారని తెలుగుదేశం నాయకులు విమర్సిస్తున్నారు.

Published On July 20, 2011