ఎస్ఐ పరీక్షలపై దానం చెప్పారు సిఎం తలూపారు!

హైదరాబాద్: ఎస్‌ఐ పరీక్షలను వాయిదా వేయాలని మంత్రి దానం నాగేందర్ ముఖ్యమంత్రి కిరణ్ కుమార్ రెడ్డిని కోరితే ఆయన అంగీకరించారంట. గురువారం మధ్యాహ్నం కొందరు ఉస్మానియా విద్యార్థులతో కలిసి మంత్రి దానం నాగేందర్ ముఖ్యమంత్రిని కలిశారు. 14ఎఫ్ రద్దు చేసే వరకు పరీక్షలు నిర్వహించవద్దని కోరారు. అందుకు ముఖ్యమంత్రి ఓకె చెప్పినట్లు చెప్పారు. ముఖ్యమంత్రితో భేటీ అనంతరం దానం విలేకరులతో మాట్లాడారు.

ఎస్ఐ పరీక్షలను మరో ఒకటిన్నర నెలలు వాయిదా వేయడానికి ముఖ్యమంత్రి అంగీకరించారని దానం చెప్పారు. పరీక్షలపై హోంమంత్రి సబితారెడ్డి వచ్చిన తర్వాత నిర్ణయాన్ని ప్రకటిస్తామని హామీ ఇచ్చినట్లు చెప్పారు. 14ఎఫ్‌ను తొలగించేందుకు ప్రభుత్వం సిద్ధంగా ఉందని చెప్పారని అన్నారు.

English summary

Minister Danam Nagender said today that CM Kiran Kumar Reddy accepted to postpone SI exams.