ఎన్నారై ఇంట్లో భారీ చోరీ: 70 తులాల బంగారం

By Srinivas

Published: Friday, July 22, 2011, 10:35 [IST]

హైదరాబాద్: భాగ్యనగరంలో గురువారం రాత్రి భారీ దొంగతనం జరిగింది. గోల్కొండ పరిసరాల్లోని తేజ కాలనీలో ఉంటున్న నయీమూద్దీన్ అనే ఎన్నారై వ్యక్తి ఇంట్లో ఈ దొంగతనం జరిగింది. శుక్రవారం ఉదయం దీనిని స్థానికులు గమనించారు. కుటుంబ సభ్యులు ఇంట్లో లేని సమయంలో ఈ దొంగతనం జరిగింది. తన చెల్లెలి పెళ్లి కోసం 30 లక్షల రూపాయలు, 70 తులాల బంగారాన్ని నయీముద్దీన్ ఇంట్లో దాచి పెట్టారు. మరికొద్ది రోజుల్లో చెల్లిలి పెళ్లి ఉంది. అయితే గురువారం బంధువుల ఇంట్లో ఓ విందు ఉండటంతో కుటుంబసభ్యులు అందరూ అక్కడకు వెళ్లారు.

ఇంట్లో ఎవరూ లేని విషయాన్ని గమనించిన గుర్తు దొంగలు గురువారం రాత్రి ఇంటి వెనుక నుండి వచ్చి తలుపులు పగులగొట్టి చోరీ చేశారు. ఇళ్లు విశాల ప్రాంతంలో ఉండటం, వెనుక నుండి వెళ్లడం వలన స్థానికులు ఎవరూ గుర్తించలేక పోయారు. అయితే తమ ఇంట్లో పని చేసే పనిమనిషిపై నయిముద్దీన్ కుటుంబ సభ్యులు అనుమానం వ్యక్తం చేస్తున్నారు.

Published On July 22, 2011