యడ్యూరప్పపై భరద్వాజ్‌కు దొరికిన లోకాయుక్త కత్తి

By Pratap

Published: Friday, July 22, 2011, 16:09 [IST]

బెంగళూరు: కర్ణాటక ముఖ్యమంత్రి యడ్యూరప్పపై నూరడానికి గవర్నర్ హెచ్ఆర్ భరద్వాజ్‌కు లోకాయుక్త రూపంలో ఓ కత్తి దొరకింది. రాష్ట్రంలో అక్రమ మైనింగ్‌పై తనకు నివేదిక అందిన తర్వాతనే లోకాయుక్త సంతోష్ హెగ్డే చేసిన ఆరోపణలపై తగిన చర్యలు తీసుకుంటానని భరద్వాజ్ చెప్పారు. తాను రాజ్యాంగ పదవిలో ఉన్నందున మీడియా వార్తాకథనాలపై తాను మాట్లాడలేనని ఆయన శుక్రవారం మీడియా ప్రతినిధులతో అన్నారు.

లోకాయుక్త సంతోష్ హెగ్డేను ఆయన ప్రశంసల జల్లు కురిపించారు. సంతోష్ హెగ్డే నివేదికను తప్పు పట్టడానికి ఏ విధమైన కారణాలు లేవని ఆయన అన్నారు. తనకు అందిన వెంటనే లోకాయుక్త నివేదికను పరిశీలిస్తానని, ఆ తర్వాతనే భవిష్యత్తు కార్యాచరణను రూపొందిస్తానని ఆయన అన్నారు. తాను చర్యలు తీసుకున్నప్పుడు మీడియాకు తెలుస్తుందని ఆయన ముఖ్యమంత్రి, మంత్రులపై చర్యలు తీసుకుంటారా అని మీడియా ప్రతినిధులు పదే పదే అడిగితే అన్నారు.

Published On July 22, 2011