పాపం.. అంత సంపాదించి ఏం లాభం..?

బీజింగ్ : హుందాగా బతికేంత డబ్బు.. సమాజంలో వెలకట్టలేనంత గౌరవం.. ఇంకా ఏం కావాలి చెప్పండి జీవితానికి.. కానీ కొంత మంది దురదృష్టవంతులున్నారు.. వారు అంత సంపాదించినా ఏం లాభం చెప్పండి.. ధనం హోదాతో పాటు గర్వాన్ని తెస్తుందంటారు.. అదే డబ్బు ఆయుష్షు కూడా తగ్గిస్తుందని చైనా మిలియనీర్లు నిరూపించారు. ఇందుకు పలు ఉదాహరణలు మనముందు ఉన్నాయి. గడిచిన 8 సంవత్సరాలు అంటే 2003 నుంచి 72 మంది చైనా ధనవంతులు నడి వయసు దాటకుండానే కన్ను మూశారు.

15.51 మిలియన్ డాలర్లకు మించి సంపద ఉన్న వీరిలో 14 మంది హత్యలకు బలికాగా, 17 మంది ఆత్మహత్యలకు పాల్పడ్డారు, మరో 19 మంది రోగాలతో చనిపోగా, 7 గురిని ప్రమాదాలు పొట్టనపెట్టకున్నాయి. మృతి చెందిన వారి సగటు వయసు 48 సంవత్సరాల లోపేనని ఓ పత్రిక పేర్కొంది. ఈ ధనవంతులను మిగిలిన వారితో పోలీస్తే అధిక శాతం క్యాన్సర్ సంబంధిత వ్యాధులతో బాధపడుతున్నారని వెల్లడించింది. మానసిక ఒత్తడి , ఇతరత్రా ఇబ్బందులకు కారణంగా జూన్యో గ్రూపు చైర్మన్ జూన్యో 38 వయస్సుకే మరణించాడు. వాస్తవానికి చైనీయులు సగటు ఆయుష్షు 70 ఏళ్లు. అయితే ఈ కుబేరులంతా అర్దాయుష్షుతో మరణిస్తున్నారని పత్రిక విశ్లేషించింది.

English summary

The number of millionaires may be rising steeply in China, but their life span appears to be shorter than average Chinese as studies showed 72 of them died young in the last eight years.