తిరస్కృతి రహస్య ఒప్పందంలో భాగం కాదు: గండ్ర

By Srinivas

Published: Sunday, July 24, 2011, 12:48 [IST]

హైదరాబాద్: రాజీనామాల వ్యవహారం రహస్య ఒప్పందంలో భాగం కాదని ఎమ్మెల్యే గండ్ర వెంకటరమణా రెడ్డి ఆదివారం స్పష్టం చేశారు. రాజీనామాలపై సాయంత్రం భేటీ అయి నిర్ణయం తీసుకుంటామని చెప్పారు. రాజీనామాలు తిరస్కరించి ముందు సభాపతి మమ్మల్ని ఓసారి సంప్రదించి ఉంటే బావుంటేదని అభిప్రాయపడ్డారు. రాజీనామాల విషయంపై సాయంత్రం భేటీ ఆయి నిర్ణయం తీసుకుంటామని చెప్పారు. రాజీనామాల విషయంలో ఇతర పార్టీలతో తమకు సంబంధం లేదని తెలంగాణ ప్రాంత మరో కాంగ్రెసు శాసనసభ్యుడు కె లక్ష్మారెడ్డి ఆదివారం అన్నారు.

తామంతా మనస్ఫూర్తిగా రాజీనామాలు చేశామని చెప్పారు. రాజీనామాలు ఆమోదించక పోవడం బాధాకరం అన్నారు. ఏవిధంగా ఇస్తే రాజీనామాలు ఆమోదిస్తారో స్పీకరును అడిగి తెలుసుకుంటామని చెప్పారు. రాజీనామాలపై సాయంత్రం నిర్ణయిస్తామని చెప్పారు. తెలంగాణకు అందరం కట్టుబడి ఉన్నామని చెప్పారు. కాగా తెలుగుదేశం పార్టీ అసమ్మతి శాసనసభ్యులు వేణుగోపాల చారి, జోగు రామన్నలు మరోసారి ఫ్యాక్సులో తమ రాజీనామాలు పంపించారు.

Published On July 24, 2011