స్పీకర్ నాదెండ్ల తిరస్కరించే వరకు రాజీనామాలు

హైదరాబాద్: సభాపతి నాదెండ్ల మనోహర్ తమ రాజీనామాలు తిరస్కరించే వరకు ఎన్నిసార్లు అయినా రాజీనామా చేయాలని తెలంగాణ ప్రాంత ప్రజా ప్రతినిధులు పలువురు నిర్ణయించుకున్నట్లుగా తెలుస్తోంది. గత నాలుగో తేదిన తెలంగాణ ప్రాంతానికి చెందిన మెజార్టీ శాసనసభ్యులు రాజీనామాలు చేసినప్పటికీ నాదెండ్ల మనోహర్ వాటిని తిరస్కరించిన విషయం తెలిసిందే. అయితే స్పీకర్ ఒత్తిడితో తీసుకున్న నిర్ణయం కాబట్టి రాజీనామాలు ఆమోదించడం లేదని చెప్పారు. దీంతో ఆగ్రహం వ్యక్తం చేసిన తెలంగాణ ప్రాంత ప్రజాప్రతినిధులు స్పీకరు రాజీనామాలు ఆమోదించే వరకు రాజీనామాలు చేయాలని నిర్ణయించుకున్నట్లుగా తెలుస్తోంది.

ప్రధానంగా తెలంగాణ రాష్ట్ర సమితి ఆదివారం అసెంబ్లీ కార్యదర్శి సదారాంకు మరోసారి రాజీనామాలు ఇవ్వాలని నిర్ణయించుకున్నట్లుగా తెలుస్తోంది. స్పీకర్ ఎన్నిసార్లు తిరస్కరిస్తే అన్నిసార్లు రాజీనామా చేయాలని నిర్ణయించుకున్నట్లుగా తెలుస్తున్నారు. తెలంగాణ తెలుగుదేశం పార్టీ నేతలు సైతం టిఆర్ఎస్ దారిలోనే నడిచే అవకాశాలు కల్పిస్తున్నాయి. కాగా రాజీనామాలు చేయడానికి తెలంగాణ ప్రజాప్రతినిధులు వస్తున్నారనే సమాచారం కారణంగా అసెంబ్లీ వద్ద భారీ భద్రత ఏర్పాటు చేశారు.

English summary

Telangana Rastra Samiti decided to make resignations will continue till accept speaker Nadendla Manohar.