వరుణ్ సందేశ్‌తో కలిసి డ్రగ్స్ తీసుకున్నా: నాగ సిద్దార్థ

By Srinivas

Published: Monday, July 25, 2011, 15:40 [IST]

హైదరాబాద్: హీరో వరుణ్ సందేశ్, ఉప్పలపాటి రవి, అభిషేక్‌లతో కలిసి పలుమార్లు తమ ఇంట్లో డ్రగ్స్ తీసుకున్నామని రెండు రోజుల క్రితం డ్రగ్స్ రాకెట్‌లో అరెస్టు అయిన డాక్టర్ నాగ సిద్దార్థ నేరాంగీకార పత్రంలో ఒప్పుకున్నట్లుగా తెలుస్తోంది. తనకు జేమ్మ్ అనే డ్రగ్స్ అందించే వాడని ఆ పత్రంలో సిద్దార్థ పేర్కొన్నాడు. తనకు బెంగుళూరులో జేమ్స్ పరిచయం అయ్యాడని బెంగుళూరు పబ్బులలో, హోటల్లలో తరుచూ డ్రగ్స్ తీసుకునే వారమని చెప్పారు. ఆ తర్వాత తాను హైదరాబాదు వచ్చానని చెప్పాడు. బెంగుళూరు నుండి తరుచూ కొకైన్ తీసుకు వచ్చి పబ్బులలో ఎంజాయ్ చేసే వారమని చెప్పాడు. సంవత్సర కాలంగా హీరో వరుణ్ సందేశ్, అభిషేక్, ఉప్పలపాటి రవిలు కలిసి తమ ఇంట్లో సైతం పలుమార్లు డ్రగ్స్ తీసుకున్నామని చెప్పారు.

తనకు సినీ రంగం వాళ్లని ఉప్పలపాటి రవి పరిచయం చేశాడని చెప్పారు. కాగా సిద్దార్థ కుటుంబం చాలా ఉన్నతమైనది కావడం విశేషం. సిద్దార్థ తండ్రి రిటైర్డ్ ప్రిన్సిపల్, తల్లి మాజీ ప్రొఫెసర్ కాగా భార్య సైతం బెంగుళూరులోని విప్రో కంపెనీలో టెక్నికల్ కన్సల్టెంట్‌గా పని చేస్తుందని తెలుస్తోంది. ఏడాదిగా స్నేహితులు అందరు కలిసి వీకెన్డ్ పార్టీలలో సైతం ఎంజాయ్ చేసేవారమని చెప్పారు. కాగా ఇరవై ఏళ్ల క్రితం తాను భారత దేశానికి చదువు నిమిత్తం వచ్చానని జేమ్స్ చెప్పాడు. చాలా ఏళ్ల క్రితమే తన పాసుపోర్టు సమయం ముగిసి పోయిందని చెప్పాడు. భారత్‌లో ప్రస్తుతం అక్రమంగా ఉంటున్నట్లు జేమ్స్ ఒప్పుకున్నాడు.

Published On July 25, 2011