‘హేపీ బర్త్ డే’ పాట పాడాడు - అయిదుగుర్ని చంపాడు!

డల్లాస్ (టెక్సాస్) : టెక్సాస్ లో అరుదైన సంఘటన. 11 ఏళ్ళ కుమారుడి జన్మదిన వేడుకలో వచ్చిన అతిధులు 'హేపీ బర్త్ డే" అంటూ పాడి తమ అభినందనలు ముగించారో లేదో, జన్మదిన వేడుక జరుపుకొన్న పిల్లవాడి తండ్రి తన గన్ బయటకు తీసి పిల్లవాడి తల్లిని, మరో నలుగురు ఆమె బంధువులను చంపి, చివరికి తనని తాను వరుసగా కాల్చుకున్నట్లు ప్రత్యక్ష సాక్షుల కధనంగా వుంది.

వివరాల్లోకి వెళితే, 35 ఏళ్ళ ట్యాన్ డో తన పేంటు జేబులో వున్న గన్ ను నింపాదిగా బయటకు తీశాడు. కాల్చవలసిన వారిని గుర్తించాడు. అంతే మొదటగా తన భార్య అయిన బర్త్ డే బాయ్ తల్లిని, ఆమె పక్కనే వున్న ఆమె ఇద్దరు సోదరీ మణులను, ఆమె సోదరుడిని, అతని పక్కనే వున్న వదినను పేల్చి తనను తాను షూట్ చేసుకున్నాడని బర్త్ డే పార్టీకి హాజరైన 19 ఏళ్ళ డిస్క్ జాకీ ఎల్లెన్ టిలోట్సన్ వివరించాడు. ఈ సంఘటనలో మరో నలుగురు గాయపడ్డారు.

అంతా పధకం ప్రకారమే జరిగిందని, డబ్బు ఇబ్బందులున్న ట్యాన్ డో కు మానసిక సమస్యలు కూడా వేధిస్తుండగా అందరిని ఒకేసారి చంపాలని నిర్ణయించుకున్న ఇతను కొడుకు జన్మదిన వేడుక అవకాశంగా తీసుకున్నాడని గ్రాండ్ ప్రయిరీ పట్టణ పోలీసులు వెల్లడించారు. ట్యాన్ డో గృహ హింస కారణంగా భార్య గతంలో ఒకసారి విడాకులు కోరగా కోర్టు భర్త కొంత కాలం దూరంగా ఉండాలని ఆదేశాలు జారీ చేసిందని అయితే భార్య మరల ఆ కేసును ఉపసంహరించడంతో మరోమారు ట్యాన్ డో కుటుంబంతో కలసి వుంటున్నాడని కూడా పోలీసులు వెల్లడించారు.

English summary

Tran said she helped Trini Do, her parents and her siblings emigrate from Vietnam to western Arkansas in 1994. Michelle Ta lived in North Texas, and Lynn Ta, Hien Ta and Nguyen lived in Fort Smith, Tran said.