తెలంగాణ ఆత్మహత్యల పాపం కాంగ్రెసుది: గడ్కరీ

న్యూఢిల్లీ: భారతీయ జనతా పార్టీ కేంద్రంలో అధికారంలోకి వస్తే ప్రత్యేక తెలంగాణ రాష్ట్రం ఏర్పాటుకు కట్టుబడి ఉన్నామని ఆ పార్టీ జాతీయ అధ్యక్షుడు నితిన్ గడ్కరీ మంగళవారం అన్నారు. మాజీ రాష్ట్ర అధ్యక్షుడు బండారు దత్తాత్రేయ, మాజీ మంత్రి నల్లు ఇంద్రసేనా రెడ్డి, బద్దం బాల్ రెడ్డి తదితర రాష్ట్ర నేతలు మంగళవారం గడ్కరీని న్యూఢిల్లీలో కలుసుకున్నారు. పార్లమెంటులో తెలంగాణ అంశం లేవనెత్తి రాష్ట్రం ఏర్పాటు అయ్యే దిశలో కృషి చేయాలని ఆయన గడ్కరీని కోరారు. ఈ సందర్భంగా ఆయన మాట్లాడారు.

బిజెపి అధికారంలోకి వస్తే తెలంగాణ రాష్ట్రం ఇస్తుందని అన్నారు. గతంలో బిజెపి అధికారంలో ఉన్నప్పుడు ఎన్డీయే భాగస్వామ్య పక్షాల్లో ఏకాభిప్రాయం లేదని అన్నారు. ఇప్పుడు ఎన్డీయే పక్షాల్లో ఏకాభిప్రాయం ఉందన్నారు. తెలంగాణ అంశం విషయంలో కాంగ్రెసు దాగుడు మూతలు ఆడుతోందని విమర్శించారు. పార్లమెంటులో తెలంగాణ అంశాన్ని లేవనెత్తుతామని చెప్పారు. తెలంగాణలో విద్యార్థుల ఆత్మహత్యలకు కేంద్రానిదే బాధ్యత అన్నారు.

English summary

BJP national president Nitin Gadkari blamed Congress party for Telangana suicides.