బాలికకు సెక్స్ టాయ్స్, అండర్ వేర్లు పంపిన ఘనుడు

బాలిక తల్లిదండ్రులు ఇచ్చిన ఫిర్యాదుతో రంగంలోకి దిగిన పోలీసులు ఎట్టకేలకు ఈ వస్తువులను పంపుతున్న 21 ఏళ్ళ యువకుడిని పట్టుకోగలిగారు. ఆ బాలికపై ఈ యువకుడు బాలికపై మనసు పడ్డాడట, అందుకే ఈ కానుకలు పంపించడం ప్రారంభించాడు. ఈ నిందితుడి పేరు సూరజ్ సాగర్ అని, రెండు వారాలనుండి ఆ బాలికను ఇబ్బంది పెడుతున్నాడని పోలీసులు వెల్లడించారు. అంతేకాకుండా.. యువతి ఇంటికి సమీపంలో వున్న రెస్టారెంట్ నుండి భోజన పార్శిళ్ళు పంపేవాడని, ఆ పార్శిల్ ఇంటికి వచ్చేసరికి బాలిక తండ్రి వాటి కోసం వేల రూపాయలు చెల్లించాల్సి వచ్చేదని ఛార్ కోప్ పోలీస్ స్టేషన్ అసిస్టెంట్ పోలీస్ ఇనస్పెక్టర్ ప్రమోద్ తోరాడమల్ తెలిపారు.
ఈ యువతి గతంలో తాను పోగొట్టుకున్న సెల్ ఫోన్ సాగర్కు దొరకడంతో అతడు దాని ద్వారా ఆమె తండ్రి ఫోన్ నెంబర్ తెలుసుకొని దుర్వినియోగం చేశాడని, సెల్ ఫోన్లో బాలిక తండ్రిని అసభ్య పదజాలం ఉపయోగిస్తూ తిట్లు తిట్టటమే కాకుండా ఎస్ఎమ్ఎస్లు కూడా పంపేవాడని పోలీసులు తెలిపారు. ఆ బాలిక ఇతర స్నేహితుల తెలిసిన దాని ప్రకారం నిందితుడు ఆమెకు ఒక కామన్ ఫ్రెండ్ అని తెలిసింది.
ఈ యువకుడు భాలిక నివసిస్తున్న ఇంటి సమీపంలోనే వుండేవాడు. బాలిక కదలికలు, పోలీసుల దర్యాప్తు మొదలైన చర్యలు అదే ప్రదేశంలో వున్నమరో 17 ఏళ్ళ బాలుడి ద్వారా తెలుసుకుంటుండేవాడు. ఈ బాలుడికి పోలీసులకు ఫిర్యాదు చేసిన యువతే కాక, ఆమె స్నేహితురాలు కూడా పరిచయం వుంది. ఆమె కూడా మైనరే. నేరంలో జోక్యంకల ముగ్గురిపై పోలీసులు సంబంధిత సెక్షన్ల క్రింద కేసులు పెట్టి అరెస్టు చేశారు. చివరకు పోలీసులు ఇద్దరు మైనర్లను పిల్లల రిమాండు హౌస్ కు, మేజర్ అయిన సాగర్ను కోర్టులో హాజరు పరచటానికి నిర్ణయించినట్లు తెలిపారు.












Click it and Unblock the Notifications