సైనిక విమానం కూలి 78 మంది దుర్మరణం

రబట్: మొరాకోలో భారీ విమాన ప్రమాదం జరిగింది. ప్రతికూల వాతావరణంలో సి-130 సైనిక రవాణా విమానం కూలి 78 మంది మరణించినట్లు మొరాకో ప్రభుత్వం వార్తా ఏజెన్సీ తెలిపింది. విమానం కూలిన ప్రమాదం నుంచి ముగ్గురు మాత్రమే బయటపడ్డారని చెప్పింది. విమానంలో 60 మంది సైనిక సభ్యులు, 12 మంది పౌరులు, 9 మంది విమాన సిబ్బంది ఉన్నారు.

దక్షిణ మొరాకోలోని గుల్మెమ్‌కు 10 కిలోమీటర్ల దూరం ఈ ప్రమాదం సంభవించింది. ఈ ఏడాది మొరాకోలో జరిగిన అతి దారుణ విమాన ప్రమాదం ఇదే. విమానం రాయల్ సైనిక బలగాల సభ్యులను డాఖ్లా నుంచి వివాదాస్పద పశ్చిమ సహారాకు తీసుకుని వెళ్తుండగా ఈ ప్రమాదం జరిగిందని చెబుతున్నారు. ఈ ప్రమాదంపై మొరాకో రక్షణ శాఖ అధికారులు నోరు విప్పడం లేదు.

English summary

Morocco's state news agency says 78 people were killed when a C-130 military transport plane crashed into a mountain amid rough weather. The MAP news agency says three people survived. It said the plane was carrying 60 members of the military, 12 civilians and nine crew members.