రోజుకో మలుపు తిరుగుతున్న అనిల్ మృతి మిస్టరీ

By Srinivas

Published: Wednesday, July 27, 2011, 10:53 [IST]

హైదరాబాద్: గత ఏప్రిల్ 21న మృతి చెందిన సంగీత దర్శకుడు అనీల్ రెడ్డి మృతి రోజుకో మలుపు తిరుగుతోంది. పోస్టుమార్టం రిపోర్టులో తలకు దెబ్బ తగిలినట్లు తేలిందని, దీంతో అనీల్ రెడ్డిని ఆయన ప్రియురాలు శాలిని హత్య చేసి ఉండవచ్చునని అనుమానం వ్యక్తం చేస్తూ ఆయన కుటుంబ సభ్యులు రీపోస్టు మార్టంకు డిమాండ్ చేసిన విషయం తెలిసిందే. అయితే వైద్య బృందం రీపోస్టు మార్టం కోసం బోయిగూడ శ్మశాన వాటిక చేరుకున్న తర్వాత రీపోస్టు మార్టం మరో రెండు రోజులు వాయిదా వేయాలని అధికారుల నుండి ఫోన్ వచ్చినట్లుగా తెలుస్తోంది. దీంతో దానిని వాయిదా వేశారు. అయితే రీపోస్టుమార్టంకు డిమాండ్ చేసిన అనీల్ కుటుంబ సభ్యులే దానిని వాయిదా వేయించినట్లుగా కూడా వాదనలు వినిపిస్తున్నాయి. అదేరోజు అనీల్ కుటుంబ సభ్యులు తమకు న్యాయం చేయాలంటూ హోంమంత్రి సబితా ఇంద్రారెడ్డిని కలిశారు.

శాలిని అనీల్ రెడ్డిని చంపడానికి ప్రయత్నం చేస్తే ఆయన ప్రతిఘటించేందుకు ఎలాంటి ప్రయత్నాలు చేయలేదా? అలా చేస్తే అందుకు ఆధారాలు కనిపించాలనేది మరికొందరి వాదన. మృతి తర్వాత అనీల్‌ను పరిశీలిస్తే ఎలాంటి ప్రతిఘటించే చర్యలు కాకుండా సాధారణంగానే మృతి చెందినట్లుగా ఉందని తెలుస్తోంది. అంతేకాదు అంతకుముందు అనీల్‌కు అంతకుముందు ఓసారి గుండె నొప్పి కూడా వచ్చినట్టుగా తెలుస్తోంది. అనీల్ మూర్చవ్యాధి కారణంగా కూడా మృతి చెంది ఉండవచ్చునన్న వాదనలు వినిపిస్తున్నాయి. అనీల్ మృతి తర్వాత ప్రకాశ్ రెడ్డి తన వద్దకు పెళ్లి ప్రపోజల్ తెచ్చాడని దానిని ఆమోదించక పోవడంతో ఇలా తనను ఇరికించే ప్రయత్నాలు చేస్తున్నారనేది శాలిని వాదన. అయితే రీపోస్టు మార్టం జరిగిన తర్వాత కేసు ఓ కొలిక్కి వచ్చే అవకాశం కనిపిస్తోంది.

Published On July 27, 2011