చీటింగ్ కేసులో చిత్ర నిర్మాత వరీందర్ కుమార్ అరెస్టు

ముంబై: పలువురు బాలీవుడ్ ప్రముఖులను మోసం చేసిన కేసులో ఓషివారా పోలీసులు సినీ, టీవి సీరియల్ నిర్మాత వరీందర్ కుమార్‌ను అరెస్టు చేశారు. గేయ రచయిత సమీర్ పాండేను కోట్లాది రూపాయలకు అతను మోసం చేశాడు. అంధేరి (పశ్చిమ)లోని అతని నివాసంలో బుధవారంనాడు వరీందర్ కుమార్‌ను పోలీసులు అరెస్టు చేశారు. సమీర్ పాండే ఓ మిత్రుడి దవారా వరీందర్ కుమార్‌కు ఫ్లాట్ కోసం 80 లక్షల రూపాయలు చెల్లించాడు.

ముఖ్యమంత్రి కోటాలో ఏడు ఫ్లాట్ల కేటాయింపు జరిగిందని, వాటిలో ఒకటి తనకు ఇస్తానని వరీందర్ కుమార్ చెప్పాడని, ఒప్పందం కుదుర్చుకున్న తర్వాత తాను డబ్బులు చెల్లించానని, అయితే తనకు ఒప్పందం ప్రతిని ఇవ్వలేదని, ఫ్లాట్ అడిగితే ఏవేవో కారణాలు చెప్పి తప్పించుకుంటున్నాడని సమీర్ పాండే చెప్పాడు. హితేష్ భట్, అబ్బాస్ మస్తాన్, చిత్రేష్ శ్రీవాస్తవ, అశోక్ గైక్వాడ్‌లను కూడా అతను మోసం చేశాడు. కుమారుడికి సినిమాలో అవకాశం కల్పిస్తానని బిల్డర్ మురళీలాల్ మోడీని కూడా నిరుడు మోసం చేశాడు. పోలీసుల విచారణలో కుమార్ తనపై వచ్చిన ఆరోపణలను ఖండించాడు.

English summary

The Oshiwara police have arrested a film and TV serial producer, Varinder Kumar for allegedly cheating several Bollywood personalities, including lyricist Sameer Pandey, of crores of rupees.