టీవీ నటిపై డ్రైవర్ అసభ్య ప్రవర్తన, ఫిర్యాదు

ముంబై: తన మాజీ డ్రైవర్ సాజిద్ సయీద్ తన పట్ల అసభ్యంగా ప్రవర్తించాడని తేరే మేరే సప్నే టీవీ సీరియల్ నటి ఏక్తా తివారీ (28) పోలీసులకు ఫిర్యాదు చేసింది. సయీద్ గురువారంనాడు మీరా రోడ్డులోని తన ఇంట్లోకి దూసుకొచ్చి తన పట్ల అసభ్యంగా ప్రవర్తించాడని ఏక్తా తివారీ ఆరోపించింది. తీవ్ర ఇబ్బందికి గురైన తాను సయీద్‌ను ఉద్యోగం నుంచి ఈ నెల 15వ తేదీన తొలగించినట్లు ఆమె చెప్పింది. అతను పరారీలో ఉన్నాడు.

సీరియల్ షూటింగ్ కోసం చానెల్ ప్రొడక్షన్ యూనిట్ నియోగించిన సాజిద్ ఉదయం ఏడున్నర గంటలకు ఇంటి వద్ద తనను కారులో ఎక్కించుకుని రాత్రి పదిన్నర గంటలకు ఇంటి వద్ద దింపేవాడు. అతని ప్రవర్తనతో క్రమంగా ఏక్తా తివారీ ఇబ్బంది పడుతూ వచ్చింది. అతను ఏక్తా సెల్‌కు ప్రేమ సందేశాలు పంపుతూ వచ్చాడు. ఓ రోజు ఆమెపైకి దూసుకొచ్చి బట్టలు చింపేశాడు. శబ్దాలకు ఇతరులు లోనికి రావడంతో అతను పలాయనం చిత్తగించాడు.

English summary

Television actor Ekta Tiwari (28), who stars in serial 'Tere Mere Sapne', has filed a molestation complaint against her former driver, Sajid Said.