తీరు మార్చుకో: ముఖ్యమంత్రికి జీవన్‌రెడ్డి వార్నింగ్

హైదరాబాద్‌: ముఖ్యమంత్రి కిరణ్‌ కుమార్‌ రెడ్డిపై కాంగ్రెసు పార్టీ సీనియర్ నాయకుడు, మాజీ మంత్రి జీవన్ రెడ్డి మరోసారి ధ్వజమెత్తారు. ముఖ్యమంత్రి తన ఏకపక్ష ధోరణిని మానుకోవాలని ఆయన సూచించారు. 14ఎఫ్‌ అంశాన్ని తొలగించాలంటూ శాసనసభ తీర్మానం చేశాక కూడా దాన్ని తొలగించకుండానే ఎస్సై రాత పరీక్షలు నిర్వహిస్తామని చెప్పడం సరికాదన్నారు. తెలంగాణ అంశంపై అధిష్ఠానంతో చర్చించకుండా విధుల్లోకి రావాలంటూ పదే పదే ఆ ప్రాంతం మంత్రులను ఒత్తిడికి గురిచేయడం సబబు కాదని ఆయన అన్నారు.

రాష్ట్ర ముఖ్యమంత్రిగా తెలంగాణప్రాంతంలో కాంగ్రెస్‌ పార్టీ, ఆ ప్రాంత నేతల ప్రయోజనాలు దృష్టిలో పెట్టుకొని వ్యవహరించాలని జీవన్‌రెడ్డి సూచించారు. మంత్రులే విధులకు దూరంగా ఉండాలని నిర్ణయించుకున్న నేపథ్యంలో పార్లమెంటు సభ్యులు కూడా పార్లమెంటు సమావేశాలకు వెళ్లరాదని జీవన్ రెడ్డి అభిప్రాయపడ్డారు. కేంద్రం తెలంగాణపై తొందరగా నిర్ణయం తీసుకోవాలన్నారు.

English summary

Former minister Jeevan Reddy fired at CM Kiran Kumar Reddy today. He warned him that to change his attitude.