'వైయస్ జగన్ భారతిలోకి అనూహ్య పెట్టుబడులు'

హైదరాబాద్: వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ఆస్తుల కేసులో జగతి పబ్లికేషన్స్ తరఫున వాదనలు మంత్రి శంకర్ రావు ఫిర్యాదుపై వాదనలు మంగళవారం పూర్తయ్యాయి. బుధవారం తెలుగుదేశం పార్టీ వాదనలు ప్రారంభమవుతాయి. మంగళవారం ఉదయం జగతి పబ్లికేషన్స్ తరఫు న్యాయవాది తమ వాదనలను కోర్టులో వినిపించారు. మధ్యాహ్నం లంచ్ విరామం కోసం 2.30 గంటలకు వాయిదా పడిన అనంతరం మరోసారి తమ వాదనలు వినిపించారు. జగన్‌కు సంబంధించిన జగతి, ఇందిరా, భారతి సిమెంట్ తదితర సంస్థలలోకి ఎలాంటి అక్రమ పెట్టుబడులు రాలేదని చెప్పారు. దివంగత వైయస్ రాజశేఖర రెడ్డి మంత్రివర్గాన్ని కూడా ఇందులో ఇంప్లీడ్ చేయాలని జగతి తరఫు న్యాయవాది చెప్పారు.

మంత్రి శంకర్ రావు ఎమ్మెల్యేగా ఉన్న సమయంలో రాజకీయ లబ్ధి కోసమే హైకోర్టులో సిబిఐ విచారణకు పిటిషన్ వేశారని చెప్పారు. శంకర్ రావు పిటిషన్ పూర్తిగా నిరాధారమైనదని చెప్పారు. అందులో పస లేదన్నారు. మంత్రి శంకర్ రావు పిటిషన్‌పై వాదనలు పూర్తయ్యాయి. కాగా కంపెనీలో లేనంతగా భారతిలో రూ.1440 పెట్టి షేర్లు కొన్నారని ప్రభుత్వ సహాయకుడు అన్నారు. ఏ సిమెంటు కంపెనీలలో లేనంతగా జగన్‌కు చెందిన సిమెంటు కంపెనీలలో పెట్టుబడులు వచ్చాయని చెప్పారు. తెలుగుదేశం పార్టీ నేతలు ఎర్రన్నాయుడు, రాజశేఖర రెడ్డి చేసిన ఫిర్యాదుపై వాదనలు కొనసాగనున్నాయి.

English summary

YSR Congress party president YS Jaganmohan Reddy's property case postponed to wednesday.