ఆ బాధ్యత దివంగత వైయస్‌దే: జెసి దివాకర్ రెడ్డి

By Srinivas

Published: Tuesday, August 2, 2011, 15:28 [IST]

హైదరాబాద్: దివంగత ముఖ్యమంత్రి వైయస్ రాజశేఖర రెడ్డి హయాంలో జరిగిన నిర్ణయాల బాధ్యత ఆయనదేనని అనంతపురం జిల్లా సీనియర్ శాసనసభ్యుడు, మాజీ మంత్రి జెసి దివాకర్ రెడ్డి మంగళవారం అన్నారు. నిర్ణయాలను మంత్రివర్గం ప్రతిపాదించినప్పటికీ అంతిమ నిర్ణయం ముఖ్యమంత్రిదే ఉంటుందని అన్నారు. కేబినెట్ ఉమ్మడి బాధ్యత ఉన్నప్పటికీ నిర్ణయం బాధ్యత మాత్రం ముఖ్యమంత్రిదే అన్నారు. రాష్ట్రంలో ముఖ్యమంత్రి, దేశంలో ప్రధానమంత్రిదే ఫైనల్ అన్నారు. గత మంత్రివర్గంలో తాను రూ.2 కిలోల బియ్యం, ఉచిత విద్యుత్ వ్యతిరేకించానని అయితే వైయస్ వాటిని అమలు పరిచారని అన్నారు.

చమన్ నేరస్తుడని ఆయన లొంగిపోవడం చాలా చిన్న విషయమని అన్నారు. 14ఎఫ్ తీర్మానంపై మాట్లాడే పరిజ్ఞానం తనకు లేదన్నారు. అయితే గతంలో తీర్మానం చేసినప్పుటు అందరం అన్నదమ్ముల్లా ఉన్నామని ఇప్పుడు ఆ పరిస్థితి లేదన్నారు. మళ్లీ తీర్మానంపై న్యాయనిపుణులతో చర్చించాలని సూచించారు.

Published On August 2, 2011