శంకర్ రావు గొప్ప వ్యక్తి: విచారణపై జెసి దివాకర్

హైదరాబాద్‌: చేనేత, జౌళీ శాఖ మంత్రి శంకర్ రావు గొప్ప వ్యక్తి అని మాజీ మంత్రి, అనంతపురం జిల్లా సీనియర్ కాంగ్రెసు శాసనసభ్యుడు జెసి దివాకర్ రెడ్డి బుధవారం అన్నారు. తన ఆస్తులపైనే మంత్రి శంకరరావు విచారణ కోరడం స్వాగతించదగ్గ పరిణామమని అభిప్రాయపడ్డారు. ఆయనుకున్న ధైర్యం ఇతరులకు ఉండవద్దా అని ప్రశ్నించారు. క్యాబినెట్‌ నిర్ణయాలకు సంబంధించి ఏమైనా అవకతవకలు జరిగి, అందులో సంబంధిత శాఖ మంత్రి ప్రమేయం ఉంటే ఆయన కూడా బాధ్యత వహించాలని జెసి దివాకర్ రెడ్డి అన్నారు. ఆయన ధైర్యానికి హ్యాట్సప్ అన్నారు.

కాగా తనపై, తన కుటుంబంపై వస్తున్న ఆరోపణల నేపథ్యంలో తన ఆస్తులపై విచారణ జరిపించాలని మంత్రి శంకర్ రావు మంగళవారం లోకాయుక్తకు లేఖ రాసిన విషయం తెలిసిందే. లోకాయుక్త శంకర్ రావు ఆస్తులపై విచారణ జరిపేందుకు ఆయనకు సమ్మన్లు పంపింది. సమ్మన్లు పంపిన తర్వాత కూడా శంకర్ రావు దానిని స్వాగతించారు.

English summary

Foremer minister JC Diwakar Reddy praised minister Shankar Rao today.