8న తెలంగాణ బంద్: తెలంగాణ విద్యార్థి జెఏసి

హైదరాబాద్: ఈ నెల 5వ తారీఖున తలపెట్టిన తెలంగాణ విద్యార్థి ఐక్య కార్యాచరణ సమితి బంద్ 8వ తేదికి వాయిదా వేస్తున్నట్లు తెలంగాణ విద్యార్థి ఐక్య కార్యాచరణ సమితి కన్వీనర్ గాదరి కిషోర్ బుధవారం చెప్పారు. 8వ తారీఖున బందుకు తెలంగాణలోని వారంతా మద్దతు ప్రకటించాలని విజ్ఞప్తి చేశారు. తెలంగణ రాజకీయ ఐక్య కార్యాచరణ సమితి చైర్మన్ కోదండరామ్ మధ్యాహ్నం భారతీయ జనతా పార్టీ రాష్ట్ర కార్యాలయంలో విద్యార్థి జెఏసితో భేటీ అయ్యారు. ఇందులో బంద్, రౌండ్ టేబులు తదితర విషయాలపై చర్చించారు.

గురువారం జరగనున్న జెఏసి సంఘాల రౌండ్ టేబుల్ సమావేశాన్ని 5వ తారీఖుకు వాయిదా వేశారు. 14ఎఫ్ పై అఖిలపక్షం ఏర్పాటు చేసి అందులో భవిష్యత్తు కార్యాచరణ నిర్ణయిస్తామని చెప్పారు. 6వ తేదిన విద్యార్థి సంఘాలు ముఖ్యమంత్రి కిరణ్ కుమార్ రెడ్డిని కలిసి 14ఎఫ్ రద్దు చేసిన తర్వాతే పరీక్షలు నిర్వహించాలని విజ్ఞప్తి చేస్తాయి.

English summary

Telangana student jac said today that there were conducting telangana band on 8th of august.