తెలుగులో జగన్ ప్రమాణం, బల్లచరిచిన అద్వానీ

న్యూఢిల్లీ: ఇటీవల కడప ఉప ఎన్నికలలో ఘన విజయం సాధించిన వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి గురువారం పార్లమెంటులో ఎంపీగా ప్రమాణ స్వీకారం చేశారు. జగన్ తెలుగులో ప్రమాణ స్వీకారం చేయడం విశేషం. భారత రాజ్యంగా తీరులో చిత్తశుద్ధితో దైవసాక్షిగా పని చేస్తానని జగన్ ప్రమాణం చేశారు. జగన్ ప్రమాణ స్వీకారం చేస్తున్న సమయంలో ప్రతిపక్ష నేత సుష్మా స్వరాజ్, బిజెపి సీనియర్ నాయకులు ఎల్‌కె అద్వానీ, యశ్వంత్ సిన్హా తదితరులు బల్లలు చరుస్తూ అభినందనలు తెలిపారు.

జగన్ సతీమణి భారతి గ్యాలరీలో కూర్చొని జగన్ ప్రమాణాన్ని వీక్షించారు. జగన్ పక్కన ఆయన వర్గం కాంగ్రెసు ఎంపీలు సబ్బం హరి, మేకపాటి రాజమోహన్ రెడ్డి ఉన్నారు. పలువురు జగన్ అభిమానులు పాసులు తీసుకొని గ్యాలరీలో కూర్చున్నారు. జగన్ గం.11.01 నిమిషాలకు ప్రమాణ స్వీకారం చేశారు. జగన్ ప్రమాణం చేస్తున్న సమయంలో ఏఐసిసి అధ్యక్షురాలు సోనియా గాంధీ, ప్రధాని మన్మోహన్ సింగ్, కేంద్ర మంత్రి ప్రణబ్ ముఖర్జీ సభలో లేరు.

English summary

YSR Congress party parliament member YS Jaganmohan Reddy swaered -in as MP in Lok Sabha today.